1 Korinth 11:4 - Bible Ni Thothup

⁴ Re mo’on nra meybil ara machibnag e thin rok Got ngak e girdi’ u fithik’ girdi’en Kristus nike mu’ulung nike upunguy lolugen e be n’ag fan Kristus.

1 Korinth 11:4 Referans Kwoze

2 Samuel 15:30

Me forthog David i yan ko Burey nu Olives ni be yor, ndariy e sus u ay ma ke upunguy lolugen ni bochan e kari kireban’. Ma urngin e girdi’ ni yad be un ngak e ra upunguyed lolugrad ni ku yad be yor.

1 Korinth 12:28

I Got e urngin e girdi’ nra be’ ma ke fek ke tay ko gin ntagil’ ko galesiya ni ba’aray rogon: som’on e pi apostel, me migid e pi profet, me migid ma pi tamchib; me migid ma pi’in yad ma ngongliy e maang’ang, me migid ma pi’in ke pi’ Got gelngirad ni ngar golniged e liliy, ara ngar ayuweged boch e girdi’, ara ra pow’iyed yad, ara ra welthingad nthin ndawor nrung’ag ma da nnang fan.

1 Korinth 12:10

Ma re Kan Nthothup nem e bay n’en me pi’ gelngin be’ nge yag ni ngongliy fa’anem e maang’ang; me pi’ gelngin be’ ni nge machibnag e thin rok Got ngak e girdi’; me pi’ gelngin be’ nge yag ni nang e tin ni yib rok fare Kan Nthothup nge tin ni gathi Kan Nthothup e yib rok. Me pi’ gelngin be’ nge yag ni welthin nthin ndawor nrung’ag ma da nnang fan; me pi’ gelngin be’ nge yag ni weliy fan e pi thin nem.

1 Korinth 11:14

Rogon lanin’med e be yog ngomed ni piyan lolugen be’ nib mo’on nike n’uw e ke darifannag fa’anem,

2 Samuel 19:4

Me upunguy David ni Pilung owchen nge yor ni ba ga’ laman ni be ga’ar, “Absalom ni fakag! Absalom ni fakag!”

Mikah 7:6

Ngiyal’ney e pi pumo’on e yad be darifan nag e chitamangirad, ma pi’in ni ppin e yad be togopluw ngak pi chitiningirad, ma pi’in nrugod e yad be tugthin ngak pi chitiningin pi figirngirad; ere ke par ni girdi’en e tabinaw rok be’ e ke mang to’ogor rok.

Acts 13:1

Mu fithik’ girdi’en e galesiya nu Antiok e bay boch e profet nge tamchib riy, ni aram Barnabas, nge Simeon (ni yima pining Talumor ngak), nge Lucius (ni be’ u Cyrene), nge Manaen (ni yow Herod, ni Governor nni chuguluyrow u ta’bang ngar ilalgow, nge Saul.

1 Korinth 11:5

Ma re pin nra meybil ara machibnag e thin rok Got ngak girdi’en Kristus nike mu’ulung ndariy ban’en nike upunguy nga lolugen e be n’ag fan figirngin; ya dariy ban’en nib thil rok nge be’ ni bpin ni kan puy piyan lolugen kem’ay.

1 Korinth 13:2

Ra ke pi’ Got gelngig ni gub salap i machibnag e thin rok ngak e girdi’, ma urngin ban’en ni gu manang fan, ma gu manang fan urngin e tin nde nang e girdi’, ma gelngin nib michan’ug ngak Kristus e rayag ni chuweg e burey u tagil’, machane fa’anra de t’uf Got rog nge girdi’, ma dariy rogog.

1 Thessalonika 5:20

dab mu darifan niged e thin ni be yog e Kan Nthothup u l’ugun be’.