1 Korinth 11:1 - Bible Ni Thothup

¹ Ere um folwokgad rog, ni bod rogon ni gu be folwok rok Kristus.

1 Korinth 11:1 Referans Kwoze

Filippi 3:17

Pi walageg, mpired ni gimed gubin ni gimed be folwok rog. Kug daged rogon ngomed; ere mfal’eged i yaliy e pi’in yad be fol riy.

1 Thessalonika 1:6

Ya mu folwokgad romad nge Somol; ni yugu aram rogon nib gel e gafgow ni mu ted mi gimed fol ko thin rok Got u fithik’ e felfelan’, ni felfelan’ nma pi’ fare Kan Nthothup.

1 Korinth 4:16

Ere gu be wenig ngomed ni ngam folwokgad rog.

Hebrews 6:12

Dabumad ni ngam malmalgad, machane ngam pired ni gimed bod e pi’in nib mich Kristus u wun’rad ma ba gum’an’rad, ma aram fan nike yag ngorad e tin ni yog Got nra pi’.

2 Thessalonika 3:9

Gu rin’ed e ren’ey ni gathi bochan e dariy mat’awmad ni nggogned ngomed ngam ayuweged gamad ko tin nge yag ngomad; gu rin’ed ni bochan e ngam guyed ngu’um rin’ed ni bod gamad.

1 Korinth 10:33

Kemus ni ngam ngongolgad ni bod gag, ni gu be guy rogon gu be yan nga laniyan’ urngin e girdi’ u gubin e ngongol ni gu be rin’, ni gathi gag e gu be leam nigeg, ya gu be leamnag urngin e girdi’ ni nge yag nra thapgad ngak Kristus.