1 Korinth 10:23 - Bible Ni Thothup

²³ “Urngin ban’en nrayag ni ngad rin’ed,” aray rogon ni kanog. Er rogon, machane gathi urngin ban’en ma bfel’. “Urngin ban’en nrayag ni ngad rin’ed” — machane gathi urngin ban’en ma bfel’ ngodad.

1 Korinth 10:23 Referans Kwoze

1 Korinth 6:12

Bayi ga’ar be’, “Ba puf rogog ndemturug e n’en ni gu ra rin’.” Riyul’; machane gathi urngin ban’en ma bfel’ ngom. Rayag ni nge lungug, “Ba puf rogog ndemturug e n’en ni gu ra rin’ ”, machane dab gu pag ban’en nge teg ni gag e sib rok.

1 Korinth 8:9

Machane ngam ayuwgad, ya yugu aram rogon ni gimed manang ni gimed ra kay e re ggan nem ma dariy rogon, machane ngam leam niged, ya ri mu ked mi gimed pingeg e pi’in kab me’waer e michan’ rorad ngak Kristus ngar mulgad nga fithik’ e denen.

Efesus 4:29

Dab umogned e thin nib kireb ku be’. Kemus ni thin nra ayuweg be’ e ngu u mogned, ni fa mit nem e thin nma fonownag e girdi’ me yib fan ngorad, fan e tin ni ngmogned e nge rin’ e tin ni bfel’ ban’en ngak e pi’in kar motoyilgad ngomed.

1 Thessalonika 5:11

Ireray fan ni nge bigimed mi i pi’ e athamgil nga laniyan’ bigimed, me bigimed mi i ayuweg bigimed, ni bod rogon ni gimed be rin’ e chiney.

Roma 14:15

Fa’anra mu kirebnag laniyan’ be’ ni walagem ni bochan ban’en ni ga be kay, me ere ngongol rom e der yib u rogon nib t’uf fa’anem rom. Dab mpag e ggan ni ga be kay nge kirebnag e en ni yim’ Kristus ni bochan!

1 Korinth 14:17

Ni yugu ra bfel’ rogon ni kam pining e magaer ngak Got, ma dabiyag ni nge ayuweg fa’anem nge gel e michan’ rok ngak Kristus.

1 Korinth 14:26

Pi walageg ni girdi’en Kristus, mang e gu be yip’ fan? Gimed ra mu’ulung ni ngam rung’aged e thin rok Got mi gimed meybil mra be’ ma ke fal’eg rogon nrayag ni nge pi’ reb e tang ni machib, ma be’ e nge fil e thin rok Got ngak e girdi’, ma be’ e nge weliy e n’en nike pateg Got nga laniyan’, ma be’ e nge weliy e thin ndawor ni rung’ag ma da nnang fan, ma be’ e nge weliy murung’agen ngan nang fan e re thin nem. Ma urngin nthingari mang ba ayuw ngak girdi’en e galesiya.

1 Timothy 1:4

Mog ngorad ni ngar paged e pi yat nem ndab kur weliyed ngak e girdi’, nge fithingan pi chitamangiy ni kakrom ni ka ma yo’or, ya ireray e pin’en ni be k’aring e tugthin; ya pin’ey e der ayuweg i muruwliy e n’en ni kem’ay i leamnag rok Got ke tay ni kan nang u daken e mich u wun’uy ngak Kristus.

1 Korinth 14:12

Gimed be finey ni manga yigi yag e tow’ath ko Kan Nthothup ngomed, machane n’en ni ir e ba th’abi ga’ fan nga urngin ban’en e thingar mu guyed rogon ngam maruwelgad ko pin’en ni ra ayuweg girdi’en e galesiya nge gel e michan’ rorad ngak Kristus.

1 Korinth 8:1

Nggu wan nga murung’agen e ggan nni pi’ ngak e liyos nma meybil boch e girdi’ ngay. Bmuduwgil nriyul’ ni “gadad gubin ma ba tamilangan’dad u murung’agen,” ni bod ni kanog. Machane mit i tamilangan’ nem e ma gelnag e ufanthin ko girdi’; machane rogon ni nge be’ me t’uf be’ rok e ra yib wenegan ni bfel’.

2 Korinth 12:19

Sana gimed be finey ni gamow be yoror romow u p’eowchemed. Danga’! Gamow ra welthin nrogon ni ba’adag Kristus ni nggu welthingow u p’eowchen Got, ma urngin ban’en ni gamow be rin’ e kug rin’ew ni nggu ayuwegew gimed e pi tafager ni gimed ba t’uf romow.