1 Korinth 10:10 - Bible Ni Thothup

¹⁰ Ma thingar dab um gun’gun’gad ni bod e n’en ni i rin’ boch i yad — me li’rad fare engel, ni engel ko yam’ ngarm’ad.

1 Korinth 10:10 Referans Kwoze

Numbers 16:41

Me reb e rran riy me tabab yu Israel i gun’gun’nag Moses nge Aron ni be lungurad, “Kam thangew e pogofan rok boch e girdi’ rok SOMOL.”

Numbers 14:2

Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!

Numbers 14:37

Fapi pumo’on nrogned murung’agen fare nam nde fel’, e aw e gechig ngorad ngar m’ad u p’eowchen SOMOL.

1 Kronicles 21:15

Aram me l’oeg ba engel ni ngki thang e fan rok e girdi’ nu Jerusalem, machane me thilyeg e tafinay rok me ga’ar ngak fare engel, “Mu tal, ke gaman!” Ma ke sak’iy fare engel ko gin ma n’ag Araunah keru’ e grain riy, cha’anem e be’ nu Jebu.

Filippi 2:14

Um rin’ed urngin ban’en ndab um gun’gun’gad ara um tugthingad,

2 Samuel 24:16

Nap’an ni deg fare engel rok SOMOL ni nge gathay yu Jerusalem, me thilyeg SOMOL lanyan’ ko gechig ni ngan tay ko girdi’ me ga’ar ngak fare engel ni be thang e fan rorad, “Mu tal! Ya ke gaman!” Ngiyal’nem e bay fare engel u charen e gin ma gunugunuy Araunah nu Jebus e grain riy.

Psalms 106:25

Ra pired u lan e tent rorad ngu’ur gun’gun’gad ma dar motoyilgad ngak SOMOL.

Exodus 12:23

Ya ngiyal’ ni bay yan SOMOL u lan yu Egypt ni nge thang e fan rok piyu Egypt, e bayi guy e racha’ u daken langan e mab ngu daken ruw raba’ i langan e mab, ma dabi pag e Engel ko Yam’ nge yib ngalan e naun romed nge thang e pogofan.

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.

Exodus 15:24

Mu ur gun’gun’gad nib togopluw ngak Moses, miyad fith ngak ni lungurad, “Mang e nggu unumed?”

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Revelation 16:1

Ma aram mu gu rung’ag ba lam ni ba ga’ ni be non u lan fare Tempel ngak fa medlip i engel ni be ga’ar, “Mmarod mpu’oged fa medlip raba’ i plet ni bay e damumuw rok Got riy nga daken e fayleng!”

Hebrews 11:28

Ma michan’ rok ngak Got e pow’iy nge sunumiy fare madnom ni Paluk’af nge yog ni ngan wereg e racha’ nga daken e mab, ni fan e fare Engel ni nge thang e pogofan e nge dabi li’ e bitir ni pumo’on ni tin th’abi ilal u fithik’ pifak piyu Israel.

Numbers 16:11

Ere nap’an ni gimed ra gun’gun’nag Aron, ma rriyul’ ni SOMOL e gimed be togopluw ngak, gur nge pi’in yad be un ngom ko togopluw.”

Numbers 17:5

Ma re mo’on ni kug turguy e ra for mal’gun e ley rok e sog. Aray rogon ni nggu taleg e pi girdi’ ney nu Israel ni kar pired ni yad be gun’gun’ nigem.”

Numbers 17:10

Me ga’ar SOMOL ngak Moses, “Mu fulweg e ley rok Aron e sog ngam tay nga mit fare Kahol ko M’ag. Nge mang ba puguran ngak e pi’in nu Israel ni be togopluw ni yad ra y’im ni fa’anra dab ra talgad ko gun’gun’.”