1 Korinth 10:1 - Bible Ni Thothup

¹ Pi walageg ni girdi’en Kristus, gub adag ni nge dab mpaged talin e n’en ni rin’ e pi chitamangidad ni ur uned ngak Moses. Yad gubin ni fa gi manileng e i ayuwegrad rok e pi to’ogor rorad, ma yad gubin nranod u lan fare gi day nga baraba’ nde boch ban’en rorad, ni fare gi day ni Red Sea fithingan.

1 Korinth 10:1 Referans Kwoze

Exodus 14:29

Machane piyu Israel e ranod u daken e but’ nib mlik’ u maday, ni bay e day u baraba’ ngu baraba’ e kanawo’ rorad.

Psalms 105:39

Me tay Got bangi manileng u puluwon e tirok e girdi’ ngalang, nge ba nifiy ni nge tamilangnag owcherad nnep’.

Hebrews 11:29

Ma michan’ rok piyu Israel ngak Got e ir e ayuweg piyu Israel ngar th’abed fa gi day ni kanog e Red Sea ngay ni gowa yad be yan u daken e binaw; ma fa’an ni lekrad yu Egypt, me yib e day nga dakenrad.

1 Korinth 14:38

Machane fa’anra dariyfan u wan’ e pin’ey, me ere dab mu telmed ngak.

Psalms 78:53

Dar rusgad ya i pow’iyrad ni dabi buch ban’en rorad; machane, day e yib nge tharey e pi to’ogor rorad.

Psalms 66:6

Ke thilyeg e day ke ngal’ ni but’ nib mlik’; nge yan e pi chitamangidad kakrom riy u but’ nga barba’. U rom e da felfelan’gad riy ko n’en ke rin’.

Nehemiah 9:19

Machane da mu n’agrad u rom u daken e ted nder tugul ban’en riy, ni bochan e runguy rom nib ga’. Da mchuweg fa gi manileng nge fare nifiy ni i pow’iyrad ni rran nge nep’.

Joshua 4:23

I SOMOL ni Got romed e chuweg e ran u lan e lul’ ni Jordan nge mlik’ nge mada’ ko ngiyal’ ni kam th’abed nga baraba’, ni bod rogon ni mliknag lan fa gi day ni fithingan e Red Sea ngomed.

Deuteronomy 1:33

ni aram rogon ni gubin ngiyal’ nma m’on romed ni be gay bang ni ngam n’ufed e pi tent romed riy. I m’on romed nib nifiy nib k’iy ngalang ni nep’ ma bang i manileng nib k’iy ngalang ni rran ni bochan e ngi i dag e kanawo’ ngomed.

Numbers 33:8

Miyad chuw u Pi Hahiroth ngar th’abed e day ni Red Sea nga daken e ted u Shur; me yan dalip e rran ni kar milekaggad marbad ra pired nga Marah.

Numbers 14:14

ma yad ra weliy ngak e girdi’ ni be par ko re nam ney. Ya girdi’ ko re nam ney e kar rung’aged ni gur SOMOL e ga bay romad, ni ga ma m’ug ngomad ko ngiyal’ nra yib i tal fa gi manileng rom u puluwmad ngalang, ma ga m’on romad ni ga bay u fithik’ bang i manileng nib k’iy ngalang ni rran, ma nep’ e ba nifiy nib k’iy ngalang.

Exodus 40:34

Ma aram me yib bang i manileng i upunguy fare Tent me suguy ram’en SOMOL nib maluplup’ fare Tent.

1 Korinth 12:1

Nggu wan nga murung’agen e pi tow’ath nma pi’ fare Kan Nthothup. Pi walageg ni girdi’en Kristus, gub adag ni ngam nanged e tin nib riyul’ ni murung’agen e pi tow’ath nem.

Roma 4:11

Fin nni maad’adnag nga tomur riy, ma maad’ad ntay ngak e ba pow ni nge micheg ni bochan e michan’ rok Abraham ngak Got ma aram e ke matha’eg Got ngak ni ir be’ nike mat’aw u m’on ndawor ni maad’adnag. Ere Abraham e kemang chitamngin urngin e pi’in ke mich Got u wun’rad ke matha’eg Got ngorad ni yad e pi’in kar mat’awgad, ni yugu aram rogon ni dawor ni maad’ad nagrad.

Galatia 3:29

Fa’anra ke mil suwmed ngak Kristus, me ere kam manged pi owchen Abraham, ni aram e bayi yag ngomed e tin ni ognag Got nra pi’.

Roma 11:21

Ya fa’anra ke chuweg Got e tin rri papa’ngin e re ke gek’iy nem ni er piyu Israel, ma gimed be finey ndabiyag ni nge chuwegmed?

John 4:20

Pi chitamag nu Samaria ni kakrom e ur meybilgad ngak Got u daken e re burey ney, machane gimed piyu Israel e ke lungumed e yu Jerusalem e eram e gin’en ni ir e ngu’ud meybilgad riy ngak Got.”

Roma 1:13

Pi walageg, ri dab mpaged talin nike yo’or yay ni kug leamnag ni nggub gguymed, machane bay ban’en ni gubin ngiyal’ ni be tiyeg nder yag ni gub. Ya gub adag ni nggu ayuweg boch e girdi’ u fithik’med ngar thapgad ngak Got, ni bod ni kug rin’ ngak boch e girdi’ ni gathi yad piyu Israel.