1 Korinth 1:27 - Bible Ni Thothup

²⁷ I Got e tafinaynag ni nge mel’eg e tin be finey e fayleng ni dariyfan, ni fan e nge tamra’nag e girdi’ ni gonop, nge n’en ni be finey e fayleng nib me’waer, ni fan e nge tamra’nag e pi’in nma yog e thin.

1 Korinth 1:27 Referans Kwoze

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

1 Korinth 1:20

Ere uw rogon e pi’in yad ba gonop? Ara pi’in nib tolang e sukul rorad? Ara pi’in yad ba salap i lu’ag murung’agen ban’en u roy u fayleng? I Got e ke dag ni gonop nu roy u fayleng e balyang!

Psalms 8:2

sorok ni be pining e pi bitir nge pi madway ngom. Ir e mu maruwel ngay nge mang yoror rom ko pi to’ogor rom, ma ir e nge taleg e pi to’ogor rom nge pi’in ke sap lanin’rad ngom.

Isaiah 29:14

Ere bay gu gineangrad ko dumow rog bayay nge bayay. Pi’in yad ba gonop e ra yan i par ni yad bbalyang, me m’ay fan urngin e llowan’ rorad.”

Luke 21:15

ya bay gu pi’ e thin ni nga mogned nge gonop romed ndariy reb e pi to’ogor romed nrayag rok ni nge togopluw ngay ara yog nde riyul’.

2 Korinth 4:7

Machane gamad e pi’in bay romad e ren’ey ni bfel’ ni pi’ fare Kan Nthothup e gamad bod e rume’ ni but’, ni nge m’ug ni re gelngin nem ni ir e ba th’abi gel e yib rok Got, ma gathi gamad e yib romad.

Matthew 21:16

Ma aram me lungurad ngak Jesus, “Ga be rung’ag e n’en ni yad be yog fa danga’?” Me fulweg Jesus ni ga’ar, “Gu be rung’ag. Dawor mpoyed fa gin’em u lan e babyor nib thothup? Ya be ga’ar, ‘Kam fil ngak e bitir nge bitir ni kabran ni ngar pininged e sorok ni bfel’ rogon.’ ”

Zefaniah 3:12

Bay gu tay e pi’in nib sobut’an nge pi’in gafgow u rom, ni bay urbad ngog ni nggu aywegrad.

2 Korinth 10:10

Bay ga’ar be’, “Thin rok Paul u babyor e rib gel, machane ngiyal’ ni bay rodad e mme’waer ma thin rok e dariy rogon!”

Isaiah 29:19

Pi’in gafgow nge pi’in sobutan’ e yad ra pir’eg fare felfelan’ bayay nma pi’ SOMOL, ni fare Got nib thothup nu Israel.

Matthew 9:9

Me chuw Jesus u rom, ma nap’an ni be yan me guy be’ nib takunuy e tax, ni Matthew fithingan, nike par nga but’ u lan e ofis rok. Me ga’ar Jesus ngak, “Mu lekeg.” Me sak’iy Matthew nge lek Jesus.

Acts 17:18

Ma boch e tamchib ni yad girdi’en e Epikurean nge Stoik e ku ra welthingad ni yad be guy e en ni ir e ba sorok ko tin ni be yog. Me ga’ar boch i yad, “Cha’ney nde nang ban’en ma ba ufanthin e mang e be guy rogon ni nge yog?” Me ga’ar boch e girdi’, “Gowa be weliy murung’agen yugu boch e got u boch e nam.” Rogned e re bugithin ney ni bochan e be machibnag Paul murung’agen Jesus nge murung’agen e fos ko yam’ nike tay Jesus.

Acts 7:54

Nap’an ni be motoyil girdi’en fare ulung ngak Stefen me ri gel e damumuw rorad ngak ngu’ur wochariyed nguwelrad ngak u fithik’ e damumuw.

Acts 7:35

“Ireray fa’anem i Moses ni dabuy piyu Israel ya fa’ani lungurad ngak, ‘I mini’ e ke tiyem ni ngu’um gagiyeg nagmad ma ga par ni gur e tapuf oloboch romad?’ I ir fa’anem ni yib Got i l’oeg nge yan ni nge gagiyeg me chuweg piyu Israel u tan pa’ yu Egypt, ni fare engel ni m’ug ngak u fithik’ e daramram ko fachi ke gek’iy ni be yik’ e ir e nge ayuweg;

Isaiah 44:25

Gu be gagiyegnag e pi tamanbay yad be non non ngabang, ma gu be ngochngochan’nag e pi’in yad ma yaliy e t’uf. Thin ko pi llowan’ e gu be dalibnag, be m’ug ni gonop rorad e bbalyang.

Jeremiah 8:9

Pi’in gonop romed e ka ni tamra’ nagrad; ke wagagay lanin’rad ka ra ma’achthalgad. Ka ra furyed e thin rog, ere ba mang gonop e kabay rorad e chiney?

1 Korinth 1:21

Ya Got e gonopiy ni nge dabiyag ni nge nang e girdi’ Got u gelngin e gonop rorad. Machane ke turguy Got ni nge thapeg ngak e pi’in ke mich Jesus Kristus u wun’rad nu daken e re thin ni ba’aray ni gamad be machibnag ko girdi’, nike yog boch e girdi’ e “thin ko balyang” ngay.

1 Korinth 2:12

Ma gadad e gathi leam nu roy u fayleng e ir e ke yag ngodad; ya fare Kan ni Thothup ni Got e l’oeg e ir e ke yag ngodad, ni fan e nge yag nda nanged urngin e tin ke pi’ Got ngodad.

Numbers 22:30

Me ga’ar fare dongki, “Mog, gathi gag fare dongki rom ni ga ma af nga daken ni n’umngin nap’an e yafos rom ke mada’ ko chiney? Mog, ka’a gu rin’ e bine’ e pa’ ngom?” Me ga’ar Balaam, “Danga’.”