1 Korinth 1:26 - Bible Ni Thothup

²⁶ Pi walageg ni girdi’en Kristus, nge bigimed me leamnag rogon ni immoy ko ngiyal’ ni ba’aram ni piningmed Got riy. Ri in i gimed e immoy nib gonop, ara ma yog e thin, ara ba tolang u rogon e tafinay nma tay e girdi’.

1 Korinth 1:26 Referans Kwoze

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

1 Korinth 2:8

Dariy reb e pilung u roy u fayleng ni manang murung’agen e re gonop ney. Ya fa’an mang e yad manang, ma dabiyag ni ngar richibiyed ko kuruth e Somol ko fla’ab.

1 Korinth 1:20

Ere uw rogon e pi’in yad ba gonop? Ara pi’in nib tolang e sukul rorad? Ara pi’in yad ba salap i lu’ag murung’agen ban’en u roy u fayleng? I Got e ke dag ni gonop nu roy u fayleng e balyang!

Luke 10:21

Ma ku errogon e re ngiyal’nem ni suguy e Kan Nthothup Jesus ko felfelan’ me ga’ar, “Chitamag ni gur e Somol u tharmiy ngu but’! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul. Chitamag, i gur e mu turguy ni nge yodoro’ nrogon nib m’agan’um ngay.

Luke 1:3

Theofilus, bochan e kug fal’eg i gay murung’agen e pin’ey ni gubin aram ko tabolngin riy, me ere kug finey ni bfel’ ni nggu yoloy murung’agen nib yaram nggu pi’ ngom.

1 Korinth 2:13

Ere gathi gamad be weliy e thin ni yib ko gonop ko girdi’, ya thin ni yib ko fare Kan ni Thothup, ko ngiyal’ ni ba’aram ni gamad be tamilangnag e tin nib riyul’ ni bay u lanin’uy ngak e pi’in bay fare Kan ni Thothup rorad.

2 John 1:1

Re babyor ney e yib rok e en nib ilal — Ni yan ngak fare pin nge pifak ni bogni’ nri yad ba t’uf rog. Gathi kemus ni go’ gag, ya urngin e girdi’ ni karnanged e tin riyul’ ni gimed ba t’uf rorad,

Filippi 4:22

Urngin e girdi’ rok Got ni yad bay u roy, ni ba ga’ ni pi’in nib mil farad nga tafen e en ni Emperor e karogned ni nge felan’ Got ngomed.

Acts 17:34

Me un boch e girdi’ ngak me mich Kristus u wun’rad; ni Dionysius bagayad, ni ir reb e girdi’en fare ulung ni Areopagus fithingan, nge be’ ni bpin ni Damaris fithingan, nge ku boch e girdi’.

Acts 13:12

Ma fa’ani guy fare am e n’en nike rin’ fa’anem, me mich Jesus u wan’; me ri gin ko tin nike rung’ag ni murung’agen Somol.

Acts 13:7

I ir be’ ni yow ba pach e en ni ir e am ko re donguch nem, ni aram Sergius Paulus, ni be’ nib mo’on nib llowan’. Me pining fa’anem ni am Barnabas nge Saul ngar bow nga p’eowchen, ya ba’adag ni nge rung’ag e thin rok Got.

Zefaniah 3:12

Bay gu tay e pi’in nib sobut’an nge pi’in gafgow u rom, ni bay urbad ngog ni nggu aywegrad.

BABYOR NI JOB 37:24

Aramfan, ni gubin e girdi’ nma ngat ngak; mma fek owchen rok e pi’in yad ma yog ni yad ba gonop.

Roma 11:29

Ya Got e der ma piliyeg laniyan’ rok e en ni mel’eg nge tow’athnag.

2 Kings 5:4

Fa’ani rung’ag Naaman ni aram rogon me yan ngak e en ni pilung me weliy ngak e tin keyog fachi pin.