1 Korinth 1:12 - Bible Ni Thothup

¹² ni ba’aray rogon: ra bigimed ma be yog ban’en nib thil. Be’ e ke ga’ar, “I gag e gub mu’un ngak Paul”; ma be’ e ke ga’ar, “I gag e gub mu’un ngak Apollos”; ma be’ e ke ga’ar, “I gag e gub mu’un ngak Peter”; ma be’ e ke ga’ar, “I gag e gub mu’un ngak Kristus.”

1 Korinth 1:12 Referans Kwoze

John 1:42

Ma aram me fek Simon i yib ngak Jesus. Me changar Jesus ngak me ga’ar ngak, “I gur Simon, ni fak John gur. Nge par fithingam ni Kefas.” (Re ngachal ney e ta’reb rogon fan ko fare ngachal ni Peter.)

Galatia 3:17

Ba’aray e ren’en ni gu be yip’ fan, i Got e ngongliy ba m’ag u thilin e girdi’ nge ir me ga’ar e bayi par ni bod rogon nike yog. Ma fare Motochiyel ni fini pi’ Got ni aningeg mir’ay nge guyey e duw nga tomuren e re m’ag ney, e dabiyag ni nge th’ab e re m’ag nem me thang e tin nike ognag Got ni bayi pi’.

Galatia 2:9

I James, nge Peter, nge John, ni wun’ug e yad be gagiyegnag girdi’en e galesiya e ra nanged ni Got e ke pi’ e re gaf i maruwel ney ni yugu ba reb ngog; ma aram miyad rurug pa’mow Barnabas ni be dag ni gamad ta’ab raba’ i maruwel, ma aram ma gamad gubin ni ta’reb lanin’mad nge puruy’ romad ni nggu maruwelgow u fithik’ e pi’in gathi yad piyu Israel, miyad maruwel u fithik’ piyu Israel.

2 Korinth 9:6

Dab mpaged talin e re bugithin ni ba’aray: cha’ nra yung e awoch nib lich e bochu’uw e n’en nrayag riy ngak; ma en nra yung e awoch ni pire’, e pire’ e n’en nrayag riy ngak.

1 Korinth 16:12

Nggu wan nga murung’agen walagdad i Apollos ni girdi’en Kristus: ke yo’or yay ni kug pi’ e athamgil nga laniyan’ ni ngarbad boch i walagdad ni girdi’en Kristus ra guyed gimed, machane dawori duwgiliy ni nge yib e chiney; ma nap’an nra bung rogon me yib.

1 Korinth 15:50

Pi walageg, ba’aray e n’en ni gu be yip’ fan: n’en nni ngongliy ko ufin nge racha’ e dabiyag ni nge yan ngalan suwon Got, ma n’en nrayag ni nge yim’ e dabiyag ni nge par ndab ki yim’ bi’id.

1 Korinth 15:5

me m’ug ngak Peter, nge mu’ me m’ug ngak fa ragag nge l’agruw i apostel.

1 Korinth 9:5

Gur dariy mat’wug nrayag ni gu rin’ e tin be rin’ e tin kabay e apostel, nge fapi pumo’on ni walagen Somol, nge Peter, ni aram e nggu fek be’ ni le’engig ni girdi’en Kristus ngi i un ngog i yan ko milekag?

1 Korinth 7:29

Pi walageg, ba’aray e n’en ni gu be yog: daki yo’or e tayim nike magey, chiney i yan ngam’on e pumo’on ni kar mabgolgad e ngar pired ni gowa dawor ra mabgolgad;

1 Korinth 4:6

Kug susunnag urngin e pin’ey ngak Apollos nge gag ni bochmed pi walagmow ni girdi’en Kristus. Kug maruwel ngomow ni fan e nge yag ni ngam nanged fan e re bugithin nem ni ga’ar, “Mu folgad ko pi motochiyel ni bfel’.” Dariy bigimed ni nge uf ngak be’ me darifannag be’.

Acts 18:24

Be’ u Israel ni Apollos fithingan, nni gargeleg u lan yu Alexandria, e yib nga Efesus, ni ir be’ ni bfel’ l’ugun ko welthin ma ba tamilangan’ ko thin ni bay u lan e babyor nib thothup.

Matthew 23:8

Thangri dab ni pining e ‘Tamchib’ ngomed, ya gimed gubin nra bigimed ma walagen bigimed, ma ta’reb e Tamchib romed ni bay.

Acts 19:1

Nap’an ni bay Apollos u Korinth, me milekag Paul u lan e gi nug nem nge yib nga Efesus. Me pir’eg boch i gachalpen Jesus u rom,

1 Korinth 1:11

Gimed pi walageg, bay boch e girdi’ ni girdi’en e tabinaw rok Kloe ni karogned ngog nib tamilang ni gimed be malu’ag thin

2 Korinth 10:7

Gimed be changar ko pin’ey u wuru’. Bay be’ u wur nike matha’eg ngak ni ir reb i girdi’en Kristus? Bfel’ ni ngki leamnag ir bayay, ya ku errogon gamad ni gamad girdi’en Kristus ni bod ir.

1 Kings 16:21

Me ruw raba’ e girdi’ nu Israel: bochi yad e ba’adag ni nge mang Tibni e pilung nib mo’on ni fak Ginath, ma bochi yad e ba’adad Omri.