1 Korinth 1:10 - Bible Ni Thothup

¹⁰ Gu be wenig ngomed, pi walageg, ni Jesus Kristus ni ir e Somol rodad e ke pi’ mat’wug ni be lungug: nge ta’reban’med ni gimed gubin ko tin gimed be weliy, ma aram e dabiyag ni ngam yo’or raba’gad; mi gimed par ni gimed ba ta’reb ma ta’ab pa’ lanin’med ma ta’a ban’en e gimed be nameg.

1 Korinth 1:10 Referans Kwoze

1 Korinth 12:25

Ere de yu raba’ dowey, machane urngin yang nra bang ma ba thil ni yad be ayuweg yad.

Roma 12:16

Nge par ni ta’reb rogon urngin e girdi’ u wun’med. Dabi tolangan’med, ma dab mu siyeged e maruwel nib sobut’. Ma dab um leam niged ni gimed e llowan’.

2 Korinth 13:11

Pi walageg ni girdi’en Kristus, kefel’! Mu athamgiliyed ngam yal’uwgad; mu telmed ko tin kugog; ma nge ta’reban’med, mu um pired u fithik’ e gapas. Mi Got ni gadad ba t’uf rok me ir e ma pi’ e gapas e bay i un ngomed.

Psalms 133:1

Rib fel’ ma ba manigil, ni ngi i par e girdi’ rok Got u ta’bang nib ta’reb lungrad!

1 Korinth 11:18

Bin som’on e kanog ngog nike yu raba’ girdi’en e galesiya romed yad be togopluw ngorad; ma re bugithin ney e gu be finey ni bochi yang riy e riyul’.

Filippi 1:27

Ere n’en nth’abi ga’ fan ni ngam rin’ed e nge par pangimed ni bod rogon ni be yog e thin rok Kristus, ya demturug ko ke yag fa de yag ni gub gguymed, machane mu gu rung’ag ni kam pired ni gimed bmuduwgil nta’a ban’en e gimed be nameg, ma gimed be athamgiliy u ta’ab yang ni ta’a ban’en e gimed be athpeg ni aram e nge mich u wan’ e girdi’ fare Thin Ni Bfel’.

Roma 16:17

Ri gu be wenignag ngomed, pi walageg, ni ngan ayuweged gimed rok e pi’in yad ma wereg e girdi’ ma yad ma kirebnag e mich rok e girdi’, ma yad ma togopluw ko machib nike yag ngomed; ere mu ted gimed u orel rorad.

2 Korinth 5:20

Ere gamad be weliy e thin rok Kristus ngomed, ni aram e be wenig Got ngomed u l’ugunmad: ere gamad be wenig ngomed ni pa’ Kristus ni ngam paged Got nge pingegmed e to’ogor rok ngam manged pi tafager rok!

1 Korinth 4:16

Ere gu be wenig ngomed ni ngam folwokgad rog.

Acts 4:32

Me yan i par ni pi’in ke mich Jesus u wun’rad e ke ta’reban’rad. Ma dariy bagayad ni be yog ni tin bay rok ban’en e go ir e fen, machane urngin ban’en ni bay rorad e ur ayuweged yad ngay ni yad gubin.

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

John 17:23

ni gu bay u fithik’rad ma ga bay u fithik’ag nge yag ni ngar pired ni kar ta’rebgad, nge yag ni nang e girdi’ nu fayleng ni gur e kam l’oegeg ku gub ma yad ba t’uf rom ni bod rogon ni gub t’uf rom.

1 Thessalonika 5:13

Ngari mu ted farad mi gimed t’ufegrad ni bochan e maruwel ni yad be rin’. Mu um pired ni bfel’ thilmed.

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

John 10:19

Ma aram miki ruw raba’ fa pi’in nu Israel bayay, ni bochan e pi thin ney.

1 Peter 2:11

Pi tafager rog, ri gu be wenig ngomed, ya gimed e milekag ni kambad ngaray nga fayleng! Dab mu paged gimed ngak e tin be yim’ e dowef romed ni bochan, ni gubin ngiyal’ ma be cham ngak lanin’med.

2 Timothy 4:1

Ri gu be ta’chiylen ngom u p’eowchen Got nge Kristus Jesus ni ir e bayi pufthinnag urngin e girdi’, ni pi’in kayad bfos nge pi’in karm’ad: ere bochan e wub rok nge gagiyeg rok ma aram fan ni gu be ta’chiylen ngom

Filippi 3:16

Demturug rogon, machane ngdarod i yan ngam’on ni bod rogon fapi motochiyel ni ud folgad riy ke yan i mada’ ko chiney.

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

John 7:43

Ma aram e ruw raba’ e girdi’ u fithik’ fapi girdi’ ni aram urngin ni bochan Jesus.

Mark 2:21

“Dariy be’ nra fek bangi mad ni kab be’ech nge thufeg nga ba mad nike kaday. Ya ra rin’ me gireng fa gi mad nib be’ech nge guchthuy yu yang ko fare mad nike kaday, nge ngongliy reb e chobol ni ka ba ga’ boch.

Matthew 9:16

“Dariy be’ nra fek bangi mad ni kab be’ech nge thufeg nga ba mad nike kaday; ya fa gi mad nib be’ech e ra girengiy ir me mogchoth rok fare mad ni kanip’ nga daken, nge ngongliy reb e chabol ni ka ba ga’ boch.

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

2 Thessalonika 2:1

Ere rogon e wub nra tay e Somol rodad i Jesus Kristus nge rogon ni yira ulunguydad ngak e gu be wenignag ngomed, pi walageg ni girdi’en Kristus,

Galatia 4:12

Pi walageg ni girdi’en Kristus, gu be wenig ngomed ni ngam boded gag. Ya ku er rogog ni gub girdi’ ni gu bod gimed. Ya dawor mbucheged ban’en rog.

2 Korinth 6:1

Gamad be maruwel Got u ta’bang ni gamad be wenig ngomed ni be lungumad: ke yag ngomed e tow’ath ni pi’ Got, ere thingar dab mpaged nge maadab.

Roma 15:30

Pi walageg, ri gu be wenig ngomed u daken e Somol rodad i Jesus Kristus ngu daken rogon nma t’uf e girdi’ ni fare Kan Nthothup e ma yib rok ni be lungug: mu uned ngog ngar da pi’ed e meybil rog ngak Got.

John 9:16

Me ga’ar boch i yad fapi Farise, “Re mo’on nike rin’ e ren’ey e gathi yib rok Got, ya der fol ko motochiyel ko Sabbath.” Machane boch i yad e lungurad, “Ra di’in me yag ni ngongliy be’ e maang’ang ni ireray rogon ni fa’anra ir be’ nib tadenen?” Ma aram miyad ruw raba’.

Roma 1:13

Pi walageg, ri dab mpaged talin nike yo’or yay ni kug leamnag ni nggub gguymed, machane bay ban’en ni gubin ngiyal’ ni be tiyeg nder yag ni gub. Ya gub adag ni nggu ayuweg boch e girdi’ u fithik’med ngar thapgad ngak Got, ni bod ni kug rin’ ngak boch e girdi’ ni gathi yad piyu Israel.

1 Korinth 1:11

Gimed pi walageg, bay boch e girdi’ ni girdi’en e tabinaw rok Kloe ni karogned ngog nib tamilang ni gimed be malu’ag thin

1 Korinth 3:3

ya kigimed be ngongol ni bod rogon e girdi’ nib mil farad ko re fayleng ney. Mogned, ngiyal’ ni be awan’med ngomed, ma gimed be malu’ag thin, e fa’anra aram rogon ma gathi ireram e n’en ni be micheg ni kigimed e girdi’ nib mil famed ko re fayleng ney? Ya gimed be ngongol nrogon e ngongol rok e pi’in nib mil farad ko re fayleng ney.

2 Korinth 13:9

Gamad ba felan’ ngay ni gamad ra me’waer machane gimed e kigimed ba gel. Me ere ku errogon ni gamad be meybil ni nge yag ni ngam marod mpired ni kam yal’uwgad.

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

Mark 3:24

Fa’anra ruw raba’nag reb e nam ir ngar chamgow ngorow, ma bmuduwgil ni nge kireb fare nam.