1 Kings 9:7 - Bible Ni Thothup

⁷ ma aram e nggu chuweg yu Israel ni girdi’ rog ko re nam ney ni gag e kug pi’ ngorad. Ma kug ra n’ag e re Tempel ney ni gag e kug thothupnag ni aram e gin ni ngu’un liyor ngog riy, ma girdi’ u gubin yang e bay ur moninggad ngak yu Israel ma yad be darifan nagrad.

1 Kings 9:7 Referans Kwoze

Jeremiah 24:9

Bay gu girengiy ba riya’ nga dakenrad ni urngin e nam nu fayleng e bay rrusgad ngay. Girdi’ e bay i gosgos ngorad, ma yibe moning nagrad, ma fithinganrad e bayi mang ba yaba’ u gubin yang ni ku gu weregrad riy.

Psalms 44:14

Kam tabnathin nagmad ku gu makak’argad u fithik’ e pi nam; yad be chichingeg lolugrad ngomad ni yad be girig.

Deuteronomy 28:37

U lan e pi nam ni bayi weregmed SOMOL ngay, e girdi’ riy e bay ra dada’gad ko n’en ke buch romed; bay ur minmingad ngomed ma yad be moning nagmed.

Deuteronomy 4:26

Fa’anra dab mu folgad rog, ma gu be pining e tharmiy nge fayleng e daba’ ngar mangew mich nib togopluw ngomed, ni dabi n’uw nap’an min thang owchamed u daken e re nam nem. Ma, re nam nem u ba’ nem e Jordan ni aray e ngam marod mpired ngay e, dabi n’uw napmed riy. Ya bay ni thirifmed u but’.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

2 Kings 25:21

Mu rom u Riblah ko nug nu Hammath e yog e pilung riy ni ngan gafgow nagrad nge mu’ min thang e pogofan rorad. Aray rogon nchuweg e girdi’ nu Judah ko nam rorad min fekrad nga Babylonia ngar kalbusgad.

2 Kings 25:9

Me urfiy e Tempel, nge tafen e pilung, nge naun rok urngin e pi tolang nu Jerusalem,

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Jeremiah 26:6

Fa’anra dab mu rin’ed e pin’ey, ma aram e nggu rin’ ko re Tempel ney e n’en ni gu rin’ nga Shiloh. Urngin e nam nu roy u fayleng e fa’an yad ra bucheg wa’athan be’ ma yad ra yog ni nge buch wa’athan ni bod e re binaw ney.”

2 Kronicles 36:19

Me urfiy nga but’ fare Tempel nge fare binaw, nib mu’un e pi naun ni tafen e pilung ngay nge chubgil riy, me buthug nga but’ fare yoror ko fare binaw.

2 Kronicles 7:20

ma aram e gu ra chuwegmed u lan fare nam ni ku gu pi’ ngomed, ma gu ra pag e re Tempel ney ni ku gu tay ni bangi ban’en nib thothup ni ir e ngu’un liyor ngog riy. Girdi’ u gubin yang e bay ra moning niged mu’ur dariyfan niged.

Matthew 24:2

Me ga’ar Jesus, “Bfel’ ni ngam fal’eged i yaliy e pi naun ney. Ba’aray bbugithin ni nggog ngomed: dariy ta’reb e malang u roy ni yira pag u tagil’, ya gubin ni bay nin’ nga but’.”

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Jeremiah 52:13

Me urfiy fare Tempel, nge tafen e pilung, nge pi naun rok urngin e pi tolang u Jerusalem;

Jeremiah 26:18

“Nap’an ni Hezekiah e pilung nu Judah, me yog Mikah ni profet ni be’ u Moresheth ngak urngin e girdi’ ni SOMOL ni Gubin ma Rayag Rok e ke ga’ar, ‘Yu Zion e bay ni gi’ e but’ riy ni bod bangi milay’; ma yu Jerusalem e bayi bod ba ulung i malang, ma fare burey ni bay e Tempel riy e bayi par nike mang bangi gerger.’

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

Matthew 23:38

Ere chiney e bay nn’ag e tabinaw rom.

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.

Psalms 69:11

mra gu chuw nga madan e tayam’, miyad moning nigeg.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 44:8

Mangfan ni gimed be k’aring e damumuw ngog ko tayfan ni gimed be tay ko pi liyos nge maligach ngak yug boch e got u roy u lan yu Egypt, ni aram e gin ni kambad mu pired ngay? Ri gimed be rin’ e ran’ey ni bochan e ngam kireb niged gimed, nge gubin e nam nu roy u fayleng mi i moning nagmed me par fithinganmed nike mang ba yaba’?

Joshua 23:16

Fa’anra dab mu ayuweged fare m’ag nike yog SOMOL ni Got romed ni ngam ayuweged, ma gimed be pigpig ma gimed be tayfan yug boch e got, ma aram e ra gechig nagmed u fithik’ e damumuw rok, ma dabi n’uw nap’an ma dakuriy ta’ab gimed ni kura magey u lan e re nam ney nib manigil nike pi’ ngomed.”

Psalms 44:15

Gubin ngiyal’ nib m’ayfag; ku gum’ ko tamra’

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Lamentations 2:17

I SOMOL e ke rin’ n’en ni yog nra rin’: Ke gechig nagdad ndaki wurngan’, ni bod ni yog ngodad kakrom. Ke pag e pi to’ogor ke gel ngodad, ni kar uf uf gad ko waer ni kadted.

Ezekiel 5:15

“Nap’an ni gu ra damumuw nib gel nggu gechig nagem, ma urngin e nam u to’bem i yan e yad ra rus. Bay ra sapgad ngom ni ka ra sonogorgad ngu’ur gosgos niged gur.

Hosea 9:3

Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.