1 Kings 8:57 - Bible Ni Thothup

⁵⁷ Mang e yigi par rodad SOMOL ni Got rodad ni bod ni i par rok pi chitamangidad ni kakrom; mang e yigi dabi pagdad ara n’agdad;

1 Kings 8:57 Referans Kwoze

Joshua 1:5

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

Deuteronomy 31:6

Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Deuteronomy 31:17

Nap’an nra yodorom, ma bay gu damumuw ngorad; mu gu n’agrad ngan thirifrad u but’. Pire’ e gafgow nib gel ni bay yib ngorad, ma aram e bay ra nanged nike yib e pin’em ngorad, ya gag ni Got rorad e da kug moy rorad.

Joshua 24:23

Me ga’ar, “Ere mu n’iged e pi got nu boch e nam ni bay romed, mi gimed yog ni ngu’um pired ni gimed ba yul’yul’ ngak SOMOL, ni ir e Got nu Israel.”