1 Kings 8:10 - Bible Ni Thothup

¹⁰ Ma fa’ani yib e pi prist u lan fare Tempel nga wean, me sugnag bangi manileng lan fare Tempel.

1 Kings 8:10 Referans Kwoze

Revelation 15:8

Ma fare Tempel e ke sug ko ath ni yib u ram’en nge gelngin Got, ma dariy be’ nrayag ni nge yan ngalan fare Tempel nge yan i mada’ ko ngiyal’ ni ba’aram nra yan i m’ay fa medlip i gafgow nike fek fa medlip i engel i yib nga fayleng.

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

1 Kings 8:11

Ma dakiyag ni ngar sulod ngalan ngar ngongliyed e maruwel rorad nrogon e prist ni bochan e gi manileng nem; ya ram’en SOMOL nib maluplup e ke sugnag lan fare Tempel.

Psalms 97:2

Manileng nge lumor nib dub’ag e ba liyeg; be gagiyeg nib mat’aw ma ba yal’uw.

Isaiah 6:1

Re duw i n’en ni yim’ Uzziah ni Pilung e gag Isaiah e gguy SOMOL nike par nga tagil’ nib tolang ngalang, ma thal ni wuru’ e mad rok e ke sugnag lan e Tempel.

Isaiah 6:4

Lamrad e i rur e def ko Tempel riy, me sugnag e ath lan e Tempel.

Ezekiel 10:4

Fare tamilang nib maluplup’ u tagil’ SOMOL e yan ngalang u daken fa pin’en nib fos nge yan ko gin yima yan riy ngalan e Tempel. Ma fare gi manileng e sugnag lan fare Tempel, ma lan e yoror ko fare Tempel e ke gal ra’en.

Haggai 2:7

Bay gu rurug gubin e pi nam, ma gubin e pi machaf rorad ni bay ni fek ngaray, nge sug fare Tempel ko pi manigil.