1 Kings 8:1 - Bible Ni Thothup

¹ Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

1 Kings 8:1 Referans Kwoze

1 Kronicles 15:25

Ma aram me yan David ni Pilung nge pi ga’ nu Israel, nge pi ga’ ko salthaw ko naun rok Obed Edom ni ngar feked fare Kahol ko M’ag, miyad tay ba madnom nib ga’.

1 Peter 2:6

Ya babyor nib thothup e be ga’ar: “Kug mel’eg ba malang nri ba ga’ fan, ni ir e kug tay ni ir e re malang ni ba ga’ fan u Zion; ni en nra michan’ ngak e ri dabi kireban’.”

Isaiah 46:13

Rofen ni nga ni gel e kug chugurnag, daki mal’af. Gel ni bay gu tay e dabi sowath. Bay gu chuweg yu Jerusalem u pa’ e to’ogor rok, mu rom e bay gu gagiyegnag yu Israel riy ngan tay farad.”

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Psalms 102:21

Ma aram e fithngan e bay un weliy u Zion, ma bay ni pining e sorok ngak u Jerusalem

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Ezra 3:1

Fa’ani taw ko pul ni medlip, ma ke sul yu Israel kar pired ngalan e pi binaw rorad. Miyad mu’ulung nga Jerusalem ni yad gubin.

2 Kronicles 30:1

De yag ni madnomnag e girdi’ fare Madnom ni Paluk’af u ngilan’ ko bin m’on e pul, ni bochan e dawori gaman e prist ni ka ra be’ech gad nrogon ko motochiyel, ma dawori yo’or e girdi’ nike mokun nga Jerusalem. Ere me ta’reban’ Hezekiah ni Pilung, nge pi tolang ko salthaw rok, nge girdi’ nu Jerusalem ni ngar madnom niged e Paluk’af ko bin l’agruw e pul, ma aram me pi’ fare pilung e thin nge yan ngak e girdi’ ni gubin u Israel ngu Judah. Me yoloy e babyor nge pi’ nge yan ngak fa gali ganong rok Efraim nge Manasseh, ni be piningrad ni ngarbad ko fare Tempel nu Jerusalem ngan madnomnag e Paluk’af ngan liyor ngak SOMOL, ni Got nu Israel.

1 Kronicles 28:1

David ni Pilung e pining gubin fapi tolang nu Israel ngar mu’ulunggad nga Jerusalem. Ere gubin e pi tayugang’ ko pi ganong, nge pi tolang ni yad ma tay murung’agen e maruwel u gil’ilungun e en pilung, nge pi mitethin ko yuke girdi’, nge pi’in yad ma gonpiy rogon e binaw nge yu ran’ i gamanman nib milfan ngak e en pilung nge fapi pagel ni fak — gubin e pi ga’ u lan fare naun rok e pilung, nge pi’in gireng ko salthaw, nge pi pumo’on nib ga’farad e go’ ra mu’ulunggad ngalan yu Jerusalem.

1 Kronicles 15:29

Nap’an ni yibe fek fare Kahol i yib ngalan fare binaw, me Mikal ni be’ ni bpin ni fak Saul e changar nga wean u winda me guy David ni Pilung ni be churu’ ma be og ngalang ko felfelan’, mri fanenikan daken David.

1 Kronicles 15:3

Aram me kunuy David e girdi’ nu Israel ni gubin nga Jerusalem ni bochan e ngan fek fare Kahol Ko M’ag i yib ko gin ke fal’eg rogon ntagil’.

1 Kronicles 11:7

Bochan e yan David i par ngalan fa gin kan yororiy ni fan ko mael, ma aram min tunguy fithingan ni “Binaw rok David”.

1 Kings 3:15

Me od Solomon me nang nike non Got ngak u malik’ay. Me yan nga Jerusalem nge yan i sak’iy nga m’on ko fare Kahol ko M’ag rok SOMOL me pi’ e maligach ni mo’oruf ngak SOMOL nge maligach nma gapaseg thilin Got nge girdi’. Me ngongliy ba mur ni fan ngak urngin e pi tolang ni bay u tan pa’.

2 Samuel 6:6

Nap’an nra bad ko gin ni yima gunugunuy wom’ngin e grain riy u Nakon, me dol’ e garbaw, me k’iyag Uzzah pa’ nge kol fare Kahol ko M’ag.

Joshua 24:1

Me ulunguy Joshua urngin e ganong nu Israel nga Shekem. Me non ngak e pi’in pi’lal, nge pi’in yad ma yog e thin rok piyu Israel, nge pi tayugang’, nge pi tolang rok piyu Israel, miyad yib nga p’eowchen Got.

Joshua 23:2

ma aram me pining gubin yu Israel nga ta’bang, ni pi’lal, nge pi’in yad ma yog e thin, nge pi tayugang’, nge pi tolang, me ga’ar ngorad, “Chiney e kar gu pilbithir.

Numbers 1:4

Mog ko pi mitethin u ba kaen e girdi’ u reb e ganong ngu reb ngar ayuweged gimew.”

1 Kings 2:10

Me yim’ David min k’eyag u lan fare Binaw rok David.