1 Kings 7:21 - Bible Ni Thothup

²¹ Me tay Huram e gal ley i duga’ ni bronze ney u mit e mab ko fare Tempel: bin ni bay nga ba’ ni yimuch e fithingan e Jakin ma bin bay ko lel’och e fithingan e Boaz.

1 Kings 7:21 Referans Kwoze

2 Kronicles 3:17

Fagal duga’ e nn’uf u barba’ ngu barba’ i langan e mab ko fare Tempel: bin ni bay ko yimuch e ni tunguy fithingan ni Jakin ma bin bay ko lel’och e ni tunguy fithingan ni Boaz.

1 Kings 6:3

Re senggil ni yira yib ngalan mfin nib ngalan e tempel e ragag nge lal e fit n’umngin, ma guyey e fit ga’ngin radan, ni bod ga’ngin radan e tempel.

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

Galatia 2:9

I James, nge Peter, nge John, ni wun’ug e yad be gagiyegnag girdi’en e galesiya e ra nanged ni Got e ke pi’ e re gaf i maruwel ney ni yugu ba reb ngog; ma aram miyad rurug pa’mow Barnabas ni be dag ni gamad ta’ab raba’ i maruwel, ma aram ma gamad gubin ni ta’reb lanin’mad nge puruy’ romad ni nggu maruwelgow u fithik’ e pi’in gathi yad piyu Israel, miyad maruwel u fithik’ piyu Israel.

Matthew 16:18

Ere be lungug ngom: I gur Peter, ma daken e re war ney e nggu toy e galesiya rog nga daken ni mus ko yam’ ma dabiyag ni nge gel ngay.

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

1 Kings 7:12

Lane yaror ko fare naun ni tafen e pilung, lane yaror ko Tempel, nge fare senggil ni yima yan riy nga Tempel e pi rungrung riy e ra yib bathal e ren ni cedar me yib dalip thal e malang ni kan th’ab.

2 Samuel 7:12

Nap’an ni ga ra yim’ mi ni yan ni k’eygem ngak pi chitamam, mu gu turguy reb i owchem nge mang pilung, ma bay gu tay e nam rok nib gel.

1 Kings 7:22

Ma fagal yang i n’en nni ngongliy ni bod ya’an e floras ni lily e bay u p’ebugul fagal duga’. Ma aram me lebug e maruwel ko duga’.

Ruth 2:19

Me fith Naomi ngak ni ga’ar, “U uw e mu kunuy e grain riy e daba’? Milay’ rok mini’ e um kunuy e grain riy? Mang e yigi fal’eg Got wa’athan e re mo’on nike mit owchen rom!” Me yog Ruth ngak Naomi ni i kunuy e grain u daken e milay’ rok be’ nib mo’on ni Boaz fithingan.