1 Kings 6:1 - Bible Ni Thothup

¹ U lan e bin l’agruw e pul ni fare pul ni Ziv, ko duw ni gaman e aningeg e duw nap’an nike pilung Solomon u Israel, ma ke gaman 480 e duw nap’an nike chuw yu Israel u Egypt, me tabab Solomon i muruwliy fare Tempel.

1 Kings 6:1 Referans Kwoze

Acts 7:47

Machane Solomon e ir e toy e re naun rok Got nem.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

1 Kronicles 29:19

Ma ga pi’ ngak Solomon ni fakag reb e leam ni bfel’ ni ngi i fol u gubin ban’en ni kamog ni ngan rin’, ma nge toy fare Tempel ni ku gu t’ar madlin ku gu tay.”

1 Kings 6:37

Def ko Tempel e ni ngongliy u lan e bin l’agruw e pul, ni fare pul ni Ziv, ko re duw ni ba’aram ni gaman e aningeg e duw nap’an nike gagiyeg Solomon.

Hebrews 11:10

Ya Abraham e i sonnag fare binaw ni Got e ke gonopiy ya’an ke toy, ni fare binaw ni bay e def riy u but’ ni dabi chuw bi’id.

Hebrews 9:11

Machane Kristus e ke yib ni ir fare Prist ni Th’abi Ga’ ko fa pin’en ni bfel’ nike taw ngaray e chiney. Fare tent ni ir e be pigpig u lan e ka ba ga’ fan, ma ri kab gel feni fel’; gathi girdi’ e ngongliy, ni aram e gathi bang ko re fayleng ney ni sunumiy Got.

Kolose 2:7

Mu ted lik’ngimed nib to’ar nga fithik’ Kristus, mu ubunged e ngongol romed nga daken ya ir e def romed, mi i gel i yan e mich romed ngak, ni bod rogon ni kan fil ngomed. Mu um pininged e magaer ngak.

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

1 Korinth 6:19

Mogned, da mu nanged ni dowmed e Tempel ko fare Kan Nthothup, ni ir e be par u fithik’ i dowmed, ni fare Kan Nthothup ni Got e ke pi’ ngomed? Ere gathi gimed e mmil famed ngomed, ya Got e mmil famed ngak;

Zekariah 6:15

Pumo’on ni yad ma par nib palog e bay rabad ngar ayuwgad i toy bayay fare Tempel rok SOMOL. Ma nap’an e ra lebug e maruwel riy, migmed nang ni fare SOMOL ni Gubin ma Rayag Rok e ke l’oegeg ngomed. Yira mu’nag gubin e pin’ey ni fa’anra gimed ra yul’yul’ ngam folgad ko tin keyog SOMOL ni Got romed ni ngan rin’.

Judges 11:26

Ke gaman e 300 e duw nike par yu Israel u Heshbon ngu Aroer, nge pi yuchi binaw nib liyeg, nge urngin e pi binaw u teal e Lul’ ni Arnon. Ere mangfan ni ka’aram n’umngin nap’an i yib mdawor mu sulweged e pi yungi binaw ney?

Numbers 1:1

Bin m’on e rran ko pul nl’agruw ko re duw ni l’agruw nga tomuren nike chuw e girdi’ nu Israel u Egypt, me non SOMOL ngak Moses u rom u lan fare Tent u p’eowchen u lan fa gi ted ni desert u Sinai. Ni ga’ar,

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

1 Kings 6:2

Langgin e mereb i ragag e fit n’umngin, ma guyey e fit radan, ma aningeg i ragag nge lal e fit tolngin.

1 Kronicles 6:10

Azariah (facha’ ni i pigpig u lan fare Tempel nu Jerusalem ni toy Solomon ni Pilung),

Ezra 5:11

“Mar fulweged ni lungurad, ‘Gamad e tapigpig rok fare Got nu tharmiy ngu but’, ma gamad be toy bayay fare Tempel ni fa’ani toy ba pilung nib gel gelngin nu Israel kakrom.

Psalms 78:69

Me toy e Tempel rok u rom ni bod tafen u tharmiy; ni ngongliy nib mayluy ni bod e fayleng, ni dariy bingyal’ nra buch ban’en riy.

Haggai 1:8

Ere mmarod e chiney ngalan e burey ngam th’abed e ren, ngam toyed bayay fare Tempel; ma aram e ra felfelan’ug min liyor ngog ni bod nthingar nrin’.

Exodus 12:41

Rofen ni gaman e 430 e duw ngay e gubin e ganong rok SOMOL nra chuwgad u Egypt.

Exodus 12:51

Ma karofen nem me fek SOMOL fapi ganong nu Israel nga wuru’ yu Egypt.

2 Kronicles 3:3

Re Tempel nem ni toy Solomon ni Pilung e mereb i ragag e fit n’umngin ma guyey e fit radan.

Ezekiel 41:1

Me migid, me fekeg fare mo’on ngalan e bin ga’ e senggil, ni aram e Gin nib Thothup. Me foleg e gin yima yan riy nga langgin fare senggil nib ga’: Ma ragag e fit n’umngin