1 Kings 5:7 - Bible Ni Thothup

⁷ Fa’ani taw e thin rok Solomon ngak Hiram mri felfelan’, me ga’ar, “Ke magaer SOMOL, ya ke pi’ ngak David ba pagel nib gonop ke mang pilung ko re nam nem ni pire’ e girdi’ riy!”

1 Kings 5:7 Referans Kwoze

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Proverbs 23:24

Gallabthir rok be’ nib mat’aw e bay rogon ni ngar felfelan’ gow. En ra fakay be’ nib gonop e ra felan’.

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Proverbs 15:20

Bitir nib gonop e ra felfelan’nag e chitamngin. Kemus ni en nib balyang e ma fanenikay e chitiningin.

Proverbs 13:1

Bitir nib gonop e ma motoyil ko fanow ko gallabthir, ma be’ nib tolngan’ e dabun ni nge dag ni ir e ba oloboch.

Proverbs 10:1

Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

Psalms 137:6

Ma fa’anra dab kumub ngan’ug, ara dab ku gu leam nigem ni gur e felfelan’ rog nth’abi ga’, ma mang e yigi yan i aw ndabkiyag ni gu tang bayay!

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

1 Kings 3:9

Ere mpi’ e gonop ni nge yag ngog ngu’ug gagiyegnag e girdi’ rom nrogon nib yal’uw ma ngug nang e n’en nib thil ko tin ni bfel’ nge tin nib kireb. Ya ra dariy e gonop rog ma uw rogon ni ngu’ug gagiyegnag e pi girdi’ rom ney ni aray feni yo’or?”

1 Kings 1:48

me meybil ni ga’ar, ‘Nga ni pining e sorok nge magaer ngak SOMOL ni Got nu Israel, ya daba’ e ke gagiyegnag reb i owcheg ke yan nga luwag ke mang pilung, ma ke ayuwegneg nda gum’ kug guy!’”

Genesis 33:5

Fa’ani sap Esau ni guy fapi ppin nge bitir, me fith ni ga’ar, “Mini’ e pi cha’nir ni kambad?” Me ga’ar Jakob, “Pi cha’ney e bitir nike runguyeg Got ke pi’ ngog.”

1 Kings 5:6

Ere mpi’ e pumo’on rom ngranod nga Lebanon ngar th’abed e gek’iy ni cedar ni fan ngog. Girdi’ rog e bay ra uned ngorad ko maruwel, ma bay gu pi’ puluwon e tirom e girdi’ nrogon ni bay mog. Ga manang ni dariy be’ ko tirog e girdi’ ni manang rogon i th’ab e gek’iy ni bod feni salap e tirom e girdi’.”

1 Kings 5:8

Me pi’ Hiram e thin nge yan ngak Solomon ni ga’ar, “Ke taw e thin rom ngog, ma kug duwgiliy ni nggu rin’ e tin ka mu wenignag ngog, ni aram e bay gu pi’ e ren ni cedar nge pine.

1 Kings 4:7

Me mel’eg Solomon ragag nge l’agruw i pumo’on ni ngar manged owchen e am ko yungi nug nu lan yu Israel. Yad e ngu’ur pi’ed e ggan u lane yungi nug rorad ni fan ngak e en ni pilung nge chon e tabnaw rok, ra reb fapi pumo’on ma ireram e maruwel rok u reb e pul u lan reb e duw.