1 Kings 5:5 - Bible Ni Thothup

⁵ SOMOL e micheg ngak e chitamag i David ni ga’ar, ‘Fakam e ir e bay gu turguy nge mang pilung nga tomrem, ma ir e bayi toy ba tempel ni fan ngog.’ Ere ku gu turguy ni nggu toy e re tempel nem ni ngu’un liyor ngak SOMOL ni Got rog riy.

1 Kings 5:5 Referans Kwoze

1 Kronicles 22:10

Bayi toy ba tempel ni fan ngog. Bayi par nib pagel ni fakag, ma bay gu par ni gag e chitamngin. Pi’in owchen e bay ur gagiyeg niged yu Israel ni manemus.’”

1 Kronicles 17:12

Ma ir e en ni bayi toy ba tempel ni fan ngog, ma bay gguy ni ngi i par ni pi’in owchen e ngu’ur gagiyeggad ni dariy n’umngin nap’an.

1 Kronicles 28:6

“I SOMOL e ga’ar ngog, ‘Fare mo’on ni fakam i Solomon e ir e bayi toy fare Tempel rog. Ku gu mel’eg ni nge mang ba pumo’on ni fakag, ma bay gu mang chitamngin.

1 Kronicles 28:10

Thingar mu nang ni SOMOL e ke mel’egem ni ngam toy e Tempel rok nib thothup. Ere mu ngongliy e chiney ni dab mu sulsul riy nga tomur.”

1 Kings 8:19

machane gathi gur e ngam toy, ya be’ nib mo’on ni fakam, e ir e nge toy e tempel rog.’

Levitikus 25:18

Mu folgad u gubin e pi motochiyel rok SOMOL nge pin’en nike yog ni ngan rin’, ya nge yag ni mu pired ndariy ban’en nra buch romed u lan fare binaw.

Levitikus 25:19

Re gi but’ nem e bayib wom’ngin, ma bayi yag gubin e tin gimed ba’adag ni ngam koyed mi gimed par ndariy ban’en nra buch romed.

Deuteronomy 33:28

Pi’in owchen Jakob e ma par u fithik’ e gapas, ni dariy ban’en nra buch rorad u lan fare nam nib sug ko grain nge wayin, ni wa’angachal nma mul u lang e ma tarannag e but’ riy.

Judges 20:1

Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.

2 Kings 18:31

Dab mu telmed ngak Hezekiah. Emperor nu Assyria e be yog ngomed ni ngam chuwgad u lan e binaw romed ngam pi’ed gimed nga pa’ ni aram e kam weniggad, ya yira pagmed ngam unumed wom’ngin e grape ko grape ni fi’imed, nge wom’ngin e fig ni fi’imed, nge ran u luwed romed

Mikah 4:4

Gubin e girdi’ ni bay ra pired u fithik’ e gapas u fithik’ fi’irad grape nge yu ke gek’iy rorad ni fig, ma dakuriy be’ nra k’aring e marus ngorad. I SOMOL ni Gubin ma Rayag Rok e ke micheg e pin’ey.

Zekariah 3:10

Ra taw ko rofen nem, ma ra bigimed me pining e en yow bbuguliyoror ni nge un ngak ko felfelan’ u fithik’ e gapas nge muduwgil, u fithik’ yungi woldug romed ni grape nge gek’iy ni fig.”