1 Kings 5:3 - Bible Ni Thothup

³ “Ga manang ni chitamag i David e de yag rok ni nge toy ba tempel ni ngu’un liyor riy ngak SOMOL ni Got rok ni bochan e yigi i mael ngak e pi nam ni to’ogor rok ni yad ba liyeg. De yag ni nge toy fare tempel nge mada’ ko ngiyal’ ni gagiyeg Got nge gel David ngak urngin e pi to’ogor rok.

1 Kings 5:3 Referans Kwoze

1 Kronicles 28:3

machane ke siyegeg ni nggu rin’, ni bochan e gu ba salthaw ma kaygi yo’or ba racha’ ni ku gu pu’og.

1 Kronicles 22:8

Machane me yog SOMOL ngog ni kay gi yo’or e girdi’ ni kug thang e fan rok ma kay gi yo’or e mael ni kug un ngay. Aram fan nde pageg Got nggu toy ba tempel ni fen ni bochan urngin e racha’ ni kug pu’og.

1 Korinth 15:25

Ya Kristus e thangri mang ir e i gagiyeg nge yan i mada’ ko ngiyal’ nike gel Got ngak urngin e pi to’ogor me ta’rad nga tan e rifrif u ay.

Malaki 4:3

Bay mu gelgad ngak e pi’in nib kireb, ma bay ra boded e fiyath u tan e rifrif u aymed ko rofen ni ba’aram ni bay gu maruwel.

Psalms 110:1

I Somol e ga’ar ngak e somol rog, “Mu par aray nga ba’ ni mat’aw rog nge yan i mada’ ko ngiyal’ ni bay gu tay e pi to’ogor rom nga tan e rifrif u em.”

Psalms 8:6

Kam tayrad ni ngar gagiyeg niged urngin ban’en ni kam sunumeg, kam tayrad ni yad ba tolang ngak urngin ban’en:

Joshua 10:24

min fekrad i yan ngak Joshua. Me’ere me pining Joshua urngin e pumo’on nu Israel ni ngarbad ngak, me yog ngak e pi ga’ ko salthaw rorad ni ngar uned ngak ngar ted rifrifen ayrad nga daken belel’gun fapi pilung. Miyad rin’ ni aram rogon.

Efesus 1:22

I Got e ke tay urngin ban’en nga tan e rifrif u ay Kristus, ma ke pi’ Jesus ngak e galesiya, ni ir e nge mang Pilung ni ga’ u urngin ban’en.

1 Kings 8:19

machane gathi gur e ngam toy, ya be’ nib mo’on ni fakam, e ir e nge toy e tempel rog.’

1 Kronicles 28:2

Me sak’iy David nga p’eowcherad me ga’ar ngorad: “Gimed e pumo’on ko nam rog, motoyilgad ngog. Kug leamnag ni nggu toy tafen fare Kahol ko M’ag, ni nge tagl’iy rifrifen ay SOMOL ni Got rodad. Ku gu t’ar madlin ba tempel ni ngan toy ni ngu’un liyor ngak riy,

Deuteronomy 14:5

deer, saf ni malboch, kaming ni malboch, nge antelope

2 Kronicles 9:4

Me guy e ggan ni yibe pi’ u tebel rok, nge pi senggil nma par e pi tolang rok riy, nge rogon feni yaram gathon e maruwel ko fare tafen e pilung rok nge mad nib ta’reb rogon ni yad ma yin’, nge pi mad rok e pi tapigpig rok, nge maligach nma pi’ u Tempel. Me par fare pin nike ngat nike balyangan’.

Nehemiah 5:17

Gubin ngiyal’ ni gu ma pi’ gan 150 e girdi’ nu Israel u tebel rog nge pi tayugang’ rorad, ma ku arrogon gubin e pi girdi’ ni yad ma yib ngog ko pi nam nib chuchugur.

Nehemiah 5:18

Gubin e rran ma gu ma pi’ reb e garbaw, nge nel’ e tin th’abi fel’ ko saf rog, nge nimen ni bo’or, ma gubin e yu ragag e rran mu gu pi’ e wayin ni kab be’ech. Machane gumnang e pin’en nib tomal ni be athmagliy e girdi’, are da gog ni ngan pi’ ngog e f’oth ni mat’wun e governor.