1 Kings 4:13 - Bible Ni Thothup

¹³ Bengeber: binaw nu Ramoth u Gilead, nge fa yochi binaw nu Gilead nib milfan ngak fare ke girdi’ rok Jair, ni be’ ni owchen Manasseh, nge nug nu Argob u Bashan, nel’ i ragag e pi binaw ni gagang’ nem, ni kan ubung e rungrung riy nib tolang ni fan ko mael, ni yuley i wasey ni bronze e bay ko garog riy

1 Kings 4:13 Referans Kwoze

Deuteronomy 3:4

Ma ku aram e ngiyal’ nda koled urngin e pi yochi binaw rok — dariy ta’reb e binaw rok nda paged. Nel’ i ragag u gubin e binaw nda koled — ni aram e ga’ngin yang yu Argob, ni gin i gagiyeg Og ni Pilung riy.

Numbers 32:41

Jair, ni be’ ko ganong rok Manasseh, e cham nge kol boch e binaw me tunguy fithingan e pi binaw nem “Ni bogi binaw rok Jair.”

1 Kings 22:3

Me fith Ahab e pi tolang ni yad bay u tan pa’ ni ga’ar, “Mangfan ndawor da guyed rogon ni ngad fulweged ngodad fare binaw nu Ramoth u lan e nug nu Gilead ni fek e pilung nu Syria u pa’dad? Ya tafedad!”

Psalms 68:15

Rib th’ab feni gel e burey ni Bashan, fare burey ni bo’or p’ebugul!

Psalms 22:12

Pire’ e to’ogor ni ka ra yin’edgag nga longob ni yad bod e garbaw ni pumo’on, go’ ka ra liyegedgag, ni bod fapi garbaw ni pumo’on ndamumuw nu Bashan.

2 Kings 9:14

Ma aram me makath i Jehu nib togopluw ngak Joram ni Pilung, ni immoy u Jezreel, ni gin ni yan ngay ni nge gol ko maad’ad ni tay u fithik’ fare mael u Ramoth nib togopluw ngak Hazael ni Pilung nu Syria. Aram me yog Jehu ko pi’in yad ni pi tolang ko salthaw ni ga’ar, “Fa’anra gadad ngabang, ma ngam gonpiyed ni dariy be’ ni nge lu’or nga wuru’ yu Ramoth nge kuruf e thin ngak e girdi’ nu Jezreel.”

2 Kings 9:1

Ma ngiyal’nem me pining Elisa ni profet reb fa tin kab pagel e profet me ga’ar ngak, “Mu fal’eg rogom ngam man nga Ramoth u Gilead. Mu fek e re malor i gapgep ney ni olive nge un ngom,

Joshua 21:38

Mu kun pi’ aningeg e binaw ngorad u lan tafen fare ganong rok Gad: Ramoth (irera’ reb fapi binaw ntagil’ e ayuw) u lan yu Gilead, nib mu’un e pi flang riy ngay ni fan ko gamanman rorad, ngu Mahanaim,

Joshua 20:8

Nge ba’ ni ngek ko Jordan u Jeriko e ra mel’eged yu Bezer u lan e binaw ko ganong rok Ruben, nge Ramoth u Gilead ni bay ko ganong rok Gad, ma Golan u Bashan ko ganong rok Manasseh.

Deuteronomy 4:43

Binaw nu Bezer e tagil’ e ayuw rok e ganong rok Ruben, ni bang i ted ni desert; ma binaw nu Ramoth e fan ko ganong rok Gad, ni bay ko gin ba milsuwon ngak e Gilead; ma binaw nu Golan e fan ko fare ganong rok Manasseh, ni bay ko gin ba milsuwon ngak Bashan.

Deuteronomy 3:8

“Ere ngiyal’nem e da feked rok fa gali pilung nu Amor fare nam ni bay nga ba’ ni ngek fare lul’ ni Jordan, ni tabab ko lul’ ni Arnon me yan i mada’ ko burey ni Hermon. (

Deuteronomy 3:10

Ma gadad fek ga’ngin yang fare gi nug ni tafen Og ni Pilung nu Bashan ni aram e binaw nu daken fa gi flang, nge ga’ngin yang yu Gilead nge Bashan, me yan nge mada’ ngalan e ngek ko fapi binaw nu Salekah nge Edrei.” (

1 Kronicles 2:23

Machane nam nu Geshur ngu Aram e ra kolew nel’i ragag e yochi binaw u rom, nib mu’un fa galochi binaw ni Jair nge Kenath ngay, nge pi yochi binaw nib chugur ngay. Urngin e pi girdi’ ni yad ma par u rom e pi’in ni owchen Makir ni chitamngin Gilead.