1 Kings 3:8 - Bible Ni Thothup

⁸ Ere kug par u fithik’ e girdi’ ni gur e mturguyrad ni ngar manged girdi’em, ni yad pire’ ndabiyag i the’egrad.

1 Kings 3:8 Referans Kwoze

Genesis 15:5

Me fek SOMOL Abram nga wean me ga’ar ngak, “Mu sap nga lanelang ngam the’eg e t’uf ni bay riy ni fa’an rayag rom, aram urngin e pi’in owchem ni bay yib.”

1 Kronicles 21:2

Me yog David ngak Joab nge ku boch e tolang ni ga’ar, “Mmarod u balay yu Israel nga balay ngam the’eged e girdi’. Gu ba’adag ni nggu nang urngin e girdi’.”

Genesis 22:17

nggog ngom ni bay gu pi’ ngom e girdi’ ni owchem ni bod urngin e t’uf u lanelang ara urngin e yan’ ni bay u dap’el’ay. Pi’in owchem e bay ra gelgad ngak e pi’in bay ra maelgad ngorad.

Genesis 13:16

Ma bay gu pi’ e pi’in owchem ni pire’ nib pire’, ndariy be’ nrayag rok ni the’egrad ni yad gubin, ni ta’reb rogon ko nge the’eg be’ urngin e fiyath ni bay u daken e fayleng.

Psalms 78:71

ni aram e gin ni i chothowliy e yuran’ i gamanman rok riy, nge tay’ David ni pilung nu Israel, ngi i gafaliy e girdi’ rok Got.

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

1 Kings 4:20

Girdi’ nu Judah ngu Israel e yad ba yo’or ni bod urngin e yan’ nu dep’el’ay; ur abichgad ma yad be garbad, mu ur pired ni yad bfelfelan’.

Levitikus 26:9

Bay gu fal’eg wa’athmed nge yib fakmed nib yo’or; bay gu tay u gil tin gog ni gu ra rin’ ngomed ko fare m’ag ni gu ngongliy u thildad.