1 Kings 3:6 - Bible Ni Thothup

⁶ Me ga’ar Solomon, “Gubin ngiyal’ ni um dag nrib t’uf rom e chitamag i David ni tapigpig rom, ma i par ni bfel’, ma ba yul’yul’, ma mmat’aw u p’eowchem. Ma ka ga be dag nrib t’uf rom ya kam pi’ be’ nib mo’on ni fak ni ir e be gagiyeg e daba’ u tagil’.

1 Kings 3:6 Referans Kwoze

1 Kings 9:4

Fa’anra um pigpig ngog ni bod ni i rin’ e chitamam i David, ni i par nib yul’yul’, ma ba yal’uw, ma ga be rin’ urngin e tin kugog ngom ni ngu’um rin’, ma ga be fol ko pi motochiyel rog,

1 Kings 1:48

me meybil ni ga’ar, ‘Nga ni pining e sorok nge magaer ngak SOMOL ni Got nu Israel, ya daba’ e ke gagiyegnag reb i owcheg ke yan nga luwag ke mang pilung, ma ke ayuwegneg nda gum’ kug guy!’”

2 Korinth 9:11

Gubin ngiyal’ ni bayi ta’med ni bfel’ urngin e tin ni bay romed nge yag ni um pi’ed ban’en ni gubin ngiyal’ u fithik’ e gol, ni fan e nge yo’or e girdi’ nra pininged e magaer ngak Got ko tow’ath ni kam pi’ed ngorad.

1 Kings 2:4

Fa’an ga ra fol me SOMOL e ra tay u tagil’ e thin ni micheg ni fa’ani yog ngog ni pi’in owcheg e bay ur gagiyeg niged yu Israel u n’umngin nap’an ni yad be tiyan’rad ngu’ur folwokgad ko tin keyog ni ngu’un rin’ u polo’ i gum’ircha’rad ngu lanin’rad.

2 Korinth 9:5

Aram fan ni kug finey ni bfel’ ni nggog ngak e pi cha’ney ni walagdad ni girdi’en Kristus ngar m’onod rog ngarbad ngomed ngar ngongliyed rogon e n’en ni kamogned ni ngam pi’ed nib tow’ath. Mra gu taw ma kem’ay i ngongliy rogon, ma aram e ra m’ug riy ni ngam pi’ed ban’en ngak boch e girdi’ ni fan e gimed ba’adag, ma gathi kan gelnigey ngomed ni ngam rin’ed.

Psalms 119:17

Mu gol ngog i gag e tapigpig rom, ya nge yag ni ug par mu gu be fol ko machib rom.

Psalms 116:7

Lanin’ug, nge pagan’um, ya SOMOL e rib manigil e tin ke rin’ ngog.

Psalms 15:2

Pi’in yad ma folwok rok Got u fithik’ urngin ban’en, ma gubin ngiyal’ ni yad ma rin’ e tin ni bfel’, ma thin ni yul’yul’ e yad ma yog,

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

2 Samuel 7:5

“Mman ngam weliy ngak e tapigpig rog i David ni be lungug ngak, ‘Gathi gur e ngam toy ba tempel nggu par ngay.

Numbers 12:7

Mi Moses ni tapigpig rog e gathi ara’ rogon; ya kug tay ni ir e ke milfan urngin e girdi’ rog ngak ni er yu Israel.

Psalms 13:6

SOMOL, bay gu tang nigem, ni bochan e ku’um gol ngog.

1 Kings 15:5

I rin’ SOMOL e ren’ey ni bochan e i rin’ David e tin nib m’agan’ SOMOL ngay ma dariy ban’en ni yog ngak ni pag, kemus ni fare oloboch ni ngongliy ngak Uriah nib Hittite.

1 Kings 3:14

Fa’anra um fol rog ma ga be tay nga tagil’ e pi motochiyel rog nge pin’en kugog ni ngam rin’ ni bod ni i rin’ e chitamam i David, ma bay gu gagiyeg nigem nge n’uw nap’am.”

2 Kronicles 1:8

Me fulweg Solomon ni ga’ar, “Gubin ngiyal’ ni ga ma dag ngak e chitamag i David nrib t’uf rom, ma chiney e ka mu teg kug wan nga luwan ku gu mang pilung.

Genesis 24:40

Me ga’ar ngog, ‘I SOMOL ni ir e gu be fol rok ni gubin ngiyal’, e bayi pi’ e engel rok nge un ngom me ayuwegnem nge yag. Ngam fek be’ ni bpin u fithik’ girdi’en e tabinaw rok e chitamag nge le’engiy fakag.

2 Samuel 22:21

I SOMOL e ke pi’ puluwog ya gub mat’aw; be ayuwegneg ya dawor gu bucheg ban’en.

2 Samuel 22:25

Ere ke pi’ puluwog ya gub mat’aw, ya manang ndawor gu bucheg ban’en.