12 ma aram e nggu pi’ ngom e tin kam wenignag ngog. Bay gu pi’ e gonop ngom nge tamilangan’ ndariy be’ nga m’on rom ni immoy rok ara be’ ni bay fini yib nga tomrem.
I ga’ar lanin’ug, “Ku gu mang be’ nib mo’on nib sorok, nib ga’ e gonop rog ngak gubin e pi’in ni ur gagiyeg niged yu Jerusalem ni yad bm’on rog. Ku gu nang e bin rriyul’ e gonop nge llowan’.”
Chirofen nra pufthinnag Got e girdi’ e ra sak’iy fare pin nib pilung ni fa’ani yib ko yimuch, nge yog ni gimed ba kireb, ni bochan e liyeg baraba’ e fayleng ni be lek Solomon ni nge motoyil ko machib rok ni bay e llowan’ riy; ma nggog ngomed ni bay ban’en u roy ni ka ba ga’ ngak Solomon!
Fa’ani rung’ag piyu Israel e tin ke duwgiliy Solomon, miyad par nike yib madgun u wun’rad, ya kar nanged ni Got e ke pi’ e gonop ngak ni nge pithig e oloboch nge yan i aw ni tin ke turguy e ba yal’uw.
Ngu’un pining e sorok ngak SOMOL ni Got rok yu Israel, ni sunmiy e tharmiy nge but’! Ke pi’ be’ nib mo’on nib gonop ni fak David ni Pilung, re mo’on ney e ba tamilangan’ ma ba salap, ma ir e be leamnag e chiney ni nge toy ba tempel ni fan ngak SOMOL nge ba naun ko pilung ni nge tafnay.
Me pi’ Got e llowan’ ngak fa aningeg i pagel ngar salapgad i be’eg e babyor miyad nang fan e tin ni bay u babyor, miyad salap i gonopiy urngin mit ban’en. Me pi’ Got e gonop ngak Daniel nrayag ni nge weliy fan e tin nma piliyeg e changar ngu’un guy nge lik’ay.
Joshua nib mo’on ni fak Nun e ni suguy ko gonop, ya Moses e turguy ni ir e nge yan nga luwan. Yu Israel e ur folgad rok Joshua mu’ur ted u gil e tin keyog SOMOL ngorad u daken Moses.
Girdi’ rog e bay ra feked e pi ren nem u Lebanon ngar mada’ niged ko day, miyad m’ag ni bod e wup’eb ngar feked u maday ko gin ka mu turguy. Me pithig e tirog e girdi’ e m’ag riy u rom, ma aram e ke milfan ngak e tirom e girdi’. Me gur e ngam leamnag e n’en ni nge kay e tirog e girdi’.”
Me tay SOMOL fare nam ni ga’ngin ni ka ra ngatgad ngak Solomon, me gilnag bugwan Solomon ni dariy reb e pilung nike gagiyeg u Israel nra ta’reb rogon ngak.
Mu gog ngorad ni lungug, “Pi’ini ppin nu bang e ra pingeged i Solomon ni Pilung nge denen. Irera’ e re mo’on nib gilbugwan u fithik’ e pilung ko pi nam. Ba t’uf rok Got me tay ni pilung u Israel ni ga’ngin, machane me mul nga fithik’ e re denen ney.