1 Kings 3:1 - Bible Ni Thothup

¹ Solomon e fal’eg e tha’ u thilrow e pilung nu Egypt ni le’engiy be’ nib pin ni fak. Me yib i tay ngalan fare Binaw rok David nge mada’ ko ngiyal’ ni m’ay i toy e naun rok, nge fare Tempel, nge yoror ko binaw nu Jerusalem.

1 Kings 3:1 Referans Kwoze

1 Kings 9:24

Me ubung Solomon bang e binaw u ba’ ni ngek fare binaw, nga tomuren nike chuw le’engin ko fare Binaw rok David ke yan ko fare tafen e pilung ni toy Solomon ni tafen re bpin nem ni fak fare pilung nu Egypt.

1 Kings 11:1

Solomon e ba’adag bo’or e ppin u boch e nam. Miki le’engiy e ppin nu Hittite, Moab, Ammon, Edom, ngu Sidon, ni aram rogon ni kabay fare bpin ni fak e pilung nu Egypt ni le’engin.

2 Kronicles 8:11

Me fek Solomon le’engin ni be’ ni bpin ni fak fare pilung nu Egypt, nge chuweg u lan fare Binaw rok David nge tay ngalan ba naun nike toy ni tafen fare bpin. I ga’ar Solomon, “Thingar dabi par e re bpin ney u lan fare naun rok David ni Pilung nu Israel, ni bochan e gubin yang ni immoy fare Kahol ko M’ag riy ma ba thothup nib tabgul.”

1 Kings 6:1

U lan e bin l’agruw e pul ni fare pul ni Ziv, ko duw ni gaman e aningeg e duw nap’an nike pilung Solomon u Israel, ma ke gaman 480 e duw nap’an nike chuw yu Israel u Egypt, me tabab Solomon i muruwliy fare Tempel.

2 Samuel 5:7

(Machane me kol David fa gin’em ni ka ni yororiy u Zion ni fan ko mael, ma aram mu u nog fithingan ni “Binaw rok David.”)

Ezra 5:11

“Mar fulweged ni lungurad, ‘Gamad e tapigpig rok fare Got nu tharmiy ngu but’, ma gamad be toy bayay fare Tempel ni fa’ani toy ba pilung nib gel gelngin nu Israel kakrom.

2 Kronicles 18:1

Nap’an ni yo’or bogi ban’en rok Jehoshafat ni Pilung nu Judah ma ke gilbugwan, me m’ag ba mabgol u thilin reb i chon e tabnaw rok nge reb i chon e tabnaw rok Ahab ni Pilung nu Israel.

1 Kronicles 11:7

Bochan e yan David i par ngalan fa gin kan yororiy ni fan ko mael, ma aram min tunguy fithingan ni “Binaw rok David”.

Ezra 9:14

Ere bu uw rogon ni gamad ra pag e pi motochiyel rom ney bayay ngkug mabgolgad ngak e pi girdi’ ni kireb ney? Fa’an gamad ra rin’, ma ri ga ra damumuw ngomad ngam thang owchamad ni gamad gubin ni dab mu pag be’ nib fos.

1 Kings 2:10

Me yim’ David min k’eyag u lan fare Binaw rok David.

1 Kings 7:1

Miki toy Solomon ba tafen e pilung ntafen, ragag nge dalip e duw nni muruwliy.

1 Kings 7:8

Ma yungin nma par Solomon riy, ni bay u tabgul ko fare senggil Ntagil’ e Pufthin, e ni ngongliy ni ku bod fa tin ba’aram e naun. Ta’ab mit i naun e ki toy ni nge tafnay e bpin rok, re bpin nem e fak fare pilung nu Egypt.

1 Kings 9:10

Rliw’ e duw ni toy Solomon fare Tempel nge fare naun rok ni tafen e pilung.

Deuteronomy 23:8

Pi’in owcharad e rayag ni ngar manged boch girdi’en SOMOL ko bin dalip e mfen i yan ngaram.

1 Kings 9:1

Tomuren nike mu’ Solomon i toy fare Tempel nge naun rok ni tafen e pilung, nge urngin e naun ni leamnag ni nge toy,