1 Kings 21:4 - Bible Ni Thothup

⁴ Me sul Ahab nga tafen nike kireban’ ma ke damumuw ko fapi thin nike yog Naboth ngak. Me yan i pag ir nga chob rok nge sap ko rungrung, me par nde abich.

1 Kings 21:4 Referans Kwoze

1 Kings 20:43

Me sul fare pilung nga tabnaw nga Samaria nike magaf’an’ ma ke tomal laniyan’.

James 1:14

Machane pin’en nma waliy e girdi’ nge denen e ma yib ngak e en ni pag ir ko n’en nib kireb ni be ar’arnag nge waliy fa’anem nge aw ko wup;

Efesus 4:27

Dab mu binged e kanawo’ ngak mo’onyan’.

Jonah 4:9

Machane me ga’ar Got ngak, “Mang mat’wum ni ngam damumuw u murung’agen fare ke gek’iy?” Me fulweg Jonah ni ga’ar, “Ri bay mat’wug ni nggu damumuw nggu finey ni kabfel’ ni nggum’!”

Jonah 4:1

Me dabuy Jonah e ren’nem, me yib e damumuw ngak.

Eklesiastes 6:9

Rib m’ayfan; bod ni yibe lol’oeg e nifeng. Kabfel’ ni nge fel’ u wan’um e tin bay rom ko bin ni gubin ngiyal’ ni ngu’um finey e tin dariy rom.

BABYOR NI JOB 5:2

Gab balyang ni fa’anra li’em anum’ i leamnag e tin ke kirebnag be’ u wun’um.

1 Kings 21:3

Me fulweg Naboth ni ga’ar, “Re gi woldug nem ni grape e gayog ni yag ngog rok e pi ga’ rog kakrom, ere SOMOL e dabi magan’ ngay ni nggu pi ngom.”

2 Samuel 13:4

Me ga’ar Jonadab ngak Amnon, “I gur e fak e pilung gur, machane gubin e rran ma gu be guyem nib kireb an’um. Mang e ke buch?” Me fulweg, ni ga’ar, “Kari gum’ ni bochan Tamar, ni fare bpin ni walagen Absalom ni walageg ya ta’reb e chitamangimow.”

2 Samuel 13:2

Me m’ar Amnon ni bochan e rib adag e re bpin nem, ma de nang liben meyag e re bpin nem ngak; ya dawori nang e pumo’on, ma danir pag ni nge mada’nag e pumo’on.

1 Samuel 28:23

Me ga’ar Saul e dabi kay ban’en. Machane pi tolang ni yad bay u tan pa’ e ur tawasergad ngak ni nge kay ban’en. Aram me fol rorad, me suwon nge par nga daken e chob.

1 Kings 21:1

Naboth e bay bangi woldug ni fi’in ko binaw nu Jezreel, nib chugur ko naun rok Ahab ni Pilung.

1 Kings 21:5

Me yib Jezebel ni le’engin ngak me ga’ar, “Mang e kari kireban’um ngay? Mangfan ndab mu abich?”

Ester 5:13

Machane ri dariy ta’reb e pin’ey ni be fel’ u wun’ug, u n’umngin nap’an ni gu be guy e re Jew nem i Mordekai ni be yumum’ u langan e garog u tafen e pilung.”

Jonah 4:4

Me fulweg SOMOL ni ga’ar, “Mang mat’wum ni ngam damumuw?”

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”