1 Kings 21:3 - Bible Ni Thothup

³ Me fulweg Naboth ni ga’ar, “Re gi woldug nem ni grape e gayog ni yag ngog rok e pi ga’ rog kakrom, ere SOMOL e dabi magan’ ngay ni nggu pi ngom.”

1 Kings 21:3 Referans Kwoze

Numbers 36:7

Pi gayog ni tafen yu Israel e nge par ni tafen e re ganong nni pi’ ni nge tafnay.

Levitikus 25:23

Binaw romed e ri dab ni pi’ nchuway’ ni dab kisul bi’id ko en tafen, ni bochan e de milfan ngomed; ya ba milfan ngak Got, ma gimed bod e milekag nike pagmed kam pired riy.

Ezekiel 46:18

Fare pagel ni fak e pilung e ri dabi fek bang e binaw u pa’ be’. Re gi binaw ni nge pi’ ngak reb e pagel ni fak e dabisiy ni bang i binaw nni duwgiliy ni ir e nge par rok, ya nge dabi gafgownag reb e tirog e girdi’ ni nge fek e binaw rorad.”

Roma 6:15

Ere uw rogon? Gur ngu’ud denengad ni bochan e dad moyed u tan e motochiyel ya gadad bay u tan e runguy rok Got? Ri danga’!

Galatia 6:14

Machane gag e kemus ni kuruth rok e Somol rodad i Jesus Kristus e bay ug weliy murung’agen ma gu be uf ngay; ya kuruth rok e ke muruwliy ke par e fayleng nike yim’ rog, ma ku gum’ rok e fayleng.

1 Korinth 6:15

Gimed manang ni dowmed e yu yang u downgin Kristus. Gur rayag ni gu fek bang u downgin Kristus nggu ngongliy nge mang bangi downgin be’ ni bpin nma pi’ ir nchuway’? Ri dabiyag!

Roma 7:13

Gur fan e ren’em e ban’en ni bfel’ e ke fek e yam’ i yib ngog? Ri danga’! Denen e ir e yodoromnag, ni maruwel nga ban’en ni bfel’ nge fek e yam’ i yib ngog ni fan e bin riyul’ i rarogon e denen e nge yag ni yib i m’ug. Ere Motochiyel e yib i gagiyelnag feni kireb e denen.

Roma 7:7

Mang e nga dogned? Nge lungudad e re Motochiyel nem e ban’en nib denen? Bmuduwgil ndanga’! Re Motochiyel nem e ir e ke pateg ngan’ug ko mang e denen. Ya dab gu nang ko uw rogon ma aram e kan chogow ni fa’an mang e dawori yog e re Motochiyel nem nike ga’ar, “Dab mu chogow.”

Roma 6:2

Ri danga’! Ya kadm’ad rok e denen — ere ra di’in mu ud pired ni kagadad be par u fithik’?

Roma 3:31

Gur fan e ren’ey e aram e ngad n’iged fare Motochiyel ni bochan e ke mich Kristus u wun’dad? Danga’, gathi errogon; ya aram e kad ted e re Motochiyel nem nga tagil’.

Roma 3:6

Ri danga’! Fa’an mang e de mat’aw Got, me ere ra di’in me yag ni pufthinnag e fayleng.

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

BABYOR NI JOB 27:5

Dabiyag ni nggu micheg ni gimed e bfel’ e romed; dab gu tal i yog ni bfel’ e rog nge taw ko rofen ni ngum’ riy.

1 Kronicles 11:19

me ga’ar, “Rdariy e n’en nra rin’ mu gu unum e pi ran ney! Ya ri bod ni kug unum racha’en e pi pumo’on ney ni rdowgad ko pogofan rorad!” Aram me siyeg ni dabi unum. Irera’ e pi ngongol ko falu’ nge muthan’ ni i rin’ fa dalip i salthaw nib gilbugwarad.

1 Samuel 24:6

me ga’ar ngak e salthaw rok, “I SOMOL e nge ayuwegneg nge dab gu rin’ ban’en ngak e masta rog ni SOMOL e turguy ni nge mang pilung! Thingar dab gu rin’ bochi ban’en ngak, ya ir fare pilung ni SOMOL e ke turguy!”

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

Joshua 24:16

Me fulweg e girdi’ ni lungurad, “Dariy e n’en nra rin’ ma gamad leamnag ni nggu paged SOMOL nggu pigpiggad ngak yugu boch e got!

Joshua 22:29

Ri dabi chuchugur ni nggu togopluwgad ngak SOMOL ara gu digeyed ni dab kug falwokgad rok ni bochan e kug toyed altar ni ngan urfiy e maligach ni mo’oruf u daken ara fan ko grain ni ngu’un pi’ riy. Ma dab gu toyed yug reb e altar nib thil ko birok fare SOMOL ni Got rodad ni bay u mit fare Tent u p’eowchen.”

Genesis 44:17

Me ga’ar Josef, “Danga’! Dab gu rin’ e bin. Kemus ni en ni ka ni pir’eg fare kap ni bay rok e ir e nge mang sib rog. Mi gimed sul ngak e chitamangimed ndab nrin’ ban’en ngomed.”

Genesis 44:7

Me lungurad ngak, “Siro’ pi thin nir ni ga be weliy e be mang e ga be yog? Dabi taw e leam romad ko tinir ni nggu ngongliyed.

Numbers 36:9

me par e gayog ni dabi af u reb e ganong nga reb. Ra reb e ganong me par e gayog rok, rok.”