1 Kings 20:7 - Bible Ni Thothup

⁷ Me pining Ahab ni Pilung urngin e tayugang’ ko fare nam nga tafen, me ga’ar, “Gimed be guy nre mo’on ney e ba’adag ni nge gafgow nagdad. Ke pi’ e thin ke yib ngog ni be yog ni nggu pi’ pi le’engig nge pifakag, nge silber nge gol, ma kugog e kefel’ ngay.”

1 Kings 20:7 Referans Kwoze

2 Kings 5:7

Fa’ani be’eg fare pilung nu Israel fa gi babyor me ri gin ngay me guchthuy e mad rok me ga’ar, “Uw rogon nike yog e pilung nu Syria ni nggu golnag e re m’ar ney? Gur be leamnag ni gag Got ni bay gelngig nra gu pi’ e pogofan ara gu fek e pogofan? Rib gagiyel ni be guy rogon ni nge yib tapgin ni nge kireb thilmow!”

Daniel 11:27

Ma aram e bayi par e gali pilung nem nga ta’ab tebel ngar abichgow, machane ra bagayow ma tin ntagan e be leamnag, miyow par ngu’ur lifithew l’ugunrow ngorow. Ma dabiyag ngorow e tin yow be finey, ya dawori taw nga nap’an.

Proverbs 24:2

K’ar oloboch e kemus e tin yad ma leamnag; gubin ngiyal’ ni yad ra pithig langrad me nge gafgow be’.

Proverbs 11:27

Fa’anra tin ga be nameg e ba manigil ma yira ta’fam, ma fa’anra ga be gay e oloboch, me iraram e n’en ni bayib ngom.

Proverbs 11:14

Ra kireb ba nam ni fa’anra dariy e fnow riy. Ra fel’ rogon ni fa’anra yo’or e pi tafanow riy

Proverbs 6:14

ma aram n’umngin nap’an ni yad be tanomnag e kireb u lanin’rad nib pig nga bang, miyad be k’ar oloboch u gubin yang.

Psalms 140:2

Gubin ngiyal’ ni yad be t’ar liyaben e tin kireb, gubin ngiyal’ ni yad be k’aring e malu’eg thin.

Psalms 62:3

Bu uw n’umngin nap’an ni ngkum chamgad ngak be’ nike bod feni waer ba yoror nike m’ing?

Psalms 36:4

Ma t’ar liyben e tin kireb nnap’an nra thig nga chob; dariy ban’en ni bfel’ nma rin’, ma dariy reb e kireb ni dar l’eg pa’ ngay.

Psalms 7:14

Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

BABYOR NI JOB 15:35

Irera’ e girdi’ nma leamnag e kireb ma yad ma rin’ e kireb. ma ba sug gum’ircha’rad ko sasaliyab ni gubin ngiyal’.

1 Kronicles 28:1

David ni Pilung e pining gubin fapi tolang nu Israel ngar mu’ulunggad nga Jerusalem. Ere gubin e pi tayugang’ ko pi ganong, nge pi tolang ni yad ma tay murung’agen e maruwel u gil’ilungun e en pilung, nge pi mitethin ko yuke girdi’, nge pi’in yad ma gonpiy rogon e binaw nge yu ran’ i gamanman nib milfan ngak e en pilung nge fapi pagel ni fak — gubin e pi ga’ u lan fare naun rok e pilung, nge pi’in gireng ko salthaw, nge pi pumo’on nib ga’farad e go’ ra mu’ulunggad ngalan yu Jerusalem.

1 Kronicles 13:1

Me fith David ni Pilung laniyan’ urngin e tolang ko salthaw ni yad ma gafaliy yu raba’ i salthaw ni yu bbiyu’ nge yu ra’ay girdi’en.

1 Kings 8:1

Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

1 Kings 20:6

Machane chiney, e bay gu l’oeg e pi tolang ko salthaw rog ngar ribiyed e naun rom ko pilung nge pi naun rok e pi tolang ko salthaw rom, ngar feked urngin e tin yad be leamnag nib t’uf ma ba tolang puluwon. Gonap’an e ra ngiyal’ney gabul ma kar tawgad e ngar.”

1 Kings 20:8

Me fulweg e pi tayugang’ nge girdi’, ni lungurad, “Dab mmotoyil ngak; ma dab mu m’ing ngak.”

1 Kings 21:8

Me yoloy e babyor nge tay fithingan Ahab ngay, me pag e pow rok Ahab nga daken, me pi’ nge yan ngak e pi tolang ni yad bay u tan pa’ Ahab nge pi’in yad be yog e thin u Jezreel.