1 Kings 20:2 - Bible Ni Thothup

² Me l’oeg e pi tamal’og ngalan fare binaw ngak Ahab ni Pilung nu Israel ni nge lungurad ngak, “Be yog Benhadad ni Pilung ni

1 Kings 20:2 Referans Kwoze

2 Kings 19:9

Me taw e thin ngak yu Assyria ni barba’ i salthaw nu Egypt ni Tirhakah nu Ethiopia e ir e be gafaliyrad e karbad ni ngar maelgad ngorad. Fa’ani rung’ag e pilung nu Assyria ni aram rogon, me pi’ e babyor nge yan ngak Hezekiah

1 Kings 15:18

Ma aram me fek Asa ni Pilung urngin e silber nge gol nike magey u lan fare Tempel nge fare naun ni tafen e pilung, nge pi’ ngak bogi tolang ko salthaw rok ni ngar feked i yan nga Damascus, ngan pi’ ngak Benhadad ni Pilung nu Syria, nib mo’on ni fak Tabrimmon nib mo’on ni fak Hezion, ni ba’aray e thin nib cheag ngay:

1 Kings 20:1

Me kunuy Benhadad ni Pilung nu Syria urngin e yu raba’ i salthaw rok, ma ragag nge l’agruw e tayugang’ ni ku ra pi’ed e ayuw ngak ko pi os nge pi chariot rorad. Me yan Benhadad nge m’ag e mael nga Samaria, nge cham ngay.

1 Kings 20:3

ngam pi’ ngak e silber nge gol rom, nge pi le’engim nge pifakam.”