1 Kings 2:7 - Bible Ni Thothup

⁷ “Machane ngu’um gol ngak e pi pumo’on ni fak Barzillai nu Gilead, mu um ayuwegrad; ya ur ayuweged gag fa ngiyal’ ni gu be mil rok Absalom ni walagem.

1 Kings 2:7 Referans Kwoze

2 Samuel 9:7

Me ga’ar David, “Dab mu rus, ya bay gu par ni gab t’uf rog ni bochan Jonathan ni chitamam. Bay gu fulweg ngom urngin e binaw ni tafen e tutuw rom i Saul, ma bay um par ni gubin ngiyal’ ma ba puf e kanawo’ ngom ni nga mub mu’un ngog ko abich u tebel rog.”

2 Samuel 9:10

Gur nge pifakam ni pumo’on, nge tapigpig rom e ngu’um wolduguyed e pi binaw nem ni fan ngak e tabinaw rok e masta rom i Saul, mi gimed kunuy e ggan nike yag riy ngam feked i yib ngar kayed. Me Mefiboseth e bay i par ni gubin ngiyal’ ma bay i un ko abich u tebel rog.” (Ziba e ragag nge lal e pumo’on ni fak ma reliw’ e tapigpig rok.)

Luke 12:37

Ri ra felfelan’ e pi tapigpig nem ni sul e masta rorad me pir’egrad ni yad be od ni kar fal’eged rogorad! Nggog ngomed ni ra chichi’iy e luod rok ni aram e ke fal’eg rogon ni nge pigpig ngorad, me yog ngorad ngar pired nga tebel, me mang ir e i yibnag e ggan ngorad.

Proverbs 27:10

Dab mu pagtalin e pi fager rom nge pi fager ko chitmam. Ya fa’anra ke yib e gafgow ngom, ma dab mu ning e ayuw ngak pi girdi’em; ya kabfel’ be’ nib buguliyoror nib chugur, ku be’ ni walagem nib palog rom nga orel.

2 Samuel 19:28

Ya urngin girdi’en e tabinaw rok e chitamag e ba’ tapgin ni ngam li’rad ngarm’ad, machane gur e mpi’ mat’awug ni ngu’ug un ngom ko abich u tebel rom. Dariy mat’wug ni ngku gu wenignag ban’en ngom ni ngam rin’ ngog.”

Genesis 40:14

Machane ra yan i fel’ rogom ma ga leam nigeg, ma ga runguyeg ngam weliy murung’ageg ngak Farao, nge chuwegneg u roy u kalbus.

Ezra 2:61

Pi yuke girdi’ ni ba’aray ko prist e da yag ni ngar micheged e gin ni yib e ga’ rorad riy kakrom: Habayah, Hakkoz, nge Barzillai. (En ni sum fare ke girdi ko Barzillai rok e le’engiy be’ ni bpin ni fak Barzillai nu Gilead me fek fithingan e chitamngin fa en ni le’engin.) Machane babyoren e re dalip i tabnaw ney e dan pir’ieg, ere dariy bagyad nni pag ni nge pigpig ni prist.

Jeremiah 52:33

Ma aram mi ni pag Jehoyakin nge chuweg madan e kalbus u daken mi i un ngak e en ni pilung ko abich u tebel u n’umngin nap’an e yafos rok.

2 Kings 25:29

Ma aram minog ngak Jehoyakin nge chuweg madan e kalbus u daken mi i un ngak e en ni pilung ko abich u tebel rok u n’umngin nap’an e yafos rok.

2 Kings 25:30

Ma gubin e rran u n’umngin nap’an e yafos rok ni un pi’ e salpiy ni nge yag ngak.