1 Kings 2:5 - Bible Ni Thothup

⁵ “Ku ba’aray ban’en ni nggog. Ga manang faram e n’en ni rin’ Joab ngog ni fa’ani thang e pogofan rok fa gali pilungen e salthaw nu Israel, ni Abner ni fak Ner nge Amasa ni fak Jether. Ga manang ni fa’ani thang e fan rorow ko ngiyal’ ni ba’aram ndakuriy e mael, ni rin’ ni puluwon e pogofan nthang u nap’an e mael. Ke thang e pogofan rok e girdi’ ni dawor ra bucheged ban’en, i gag e ke aw ngog e n’en ni rin’ ma kug gafgow u wenigan nike aw ngog.

1 Kings 2:5 Referans Kwoze

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

2 Samuel 20:10

Ma der nang Amasa ni be kol Joab e saydon nga ba’an gilay’ i pa’, me rugoy Joab e saydon ko yal rok Amasa, me po’ gothogothon nga daken e but’. Me yim’ ni ka ngiyal’ i n’em ma dakuriy fan ni ngki rugoy Joab bayay e saydon ngak. Me’ere yan Joab nge fare mo’on ni walagen ni Abishai ni yow be lek Sheba.

2 Samuel 18:12

Me fulweg fare salthaw ni ga’ar, “Mus ni ga ra pi’ ngog bbiyu’ i salpiy ni silber ma dab gu k’iyag ta’ab bugul i pa’ag nib togopluw ngak e en ni fak e pilung. Gamad gubin ni kug rung’aged e thin ni yog David ni Pilung ngom nge Abishai nge Ittai ni ga’ar, ‘Mu leam niged gag nge dab mu maad’adgad ngak fachi cha’ i Absalom’.

2 Samuel 18:5

Me ga’ar ngak Joab nge Abishai nge Ittai, “Mu leam niged gag nge dab mu maad’adgad ngak fachi cha’ i Absalom.” Urngin e salthaw ni rung’ag e re bugithin ney ni yog David ngak urngin e pi tolang ko salthaw.

2 Samuel 18:14

Me ga’ar Joab, “Dab ku gu adbey e tayim rog ngom.” Me fek dalip e sarey nge yan i pag nga ngorongoren Absalom ni kabfos, nike gafgaf u pa’ngin fare ke gek’iy ni oak.

2 Samuel 3:39

Yug aray rogon ni gag e pilung nike mel’egeg Got, ma kug thamiy ni kug me’waer e daba’. Pi pumo’on ney ni pifak Zeruyah e kay gur tharthargad. Mang e yigi gechignag SOMOL e pi girdi’ ni kireb ney nib m’ag nga rogon e kireb rorad!”

Jeremiah 6:15

Gur ur tamra’gad ko pin’ey ni ur ngongliyed nib sonogor? Rri dangay, buchu’uw e tamra’ ma dariy; ku der nanged rogon ni ngar owatgad. Are ri yad ra thay ni bod nike thay boch e girdi’; nap’an gu ra gechig nagrad, ma aram tomuren e yafos rorad. I Gag SOMOL e gu be non.”

Jeremiah 2:34

Mad rom e ke mada’ e racha’en e pi’in gafgow nge pi’in ndawor ra bucheged ban’en riy, ma gathi racha’en e girdi’ nma sabthiy e naun. “Yugu ara’ rogon e pin’ey ni gubin,

1 Kings 2:32

Bayi gechignag SOMOL i Joab ni bochan e mthang pogofan ni i tay, ni i rin’ nda i nang e chitamag i David. I Joab e li’ nge yim’ l’agruw i pumo’on nde buch e rorow ma yow ba manigil boch ngak Joab: Abner, nib ga’ ko salthaw nu Israel, nge Amasa, nib ga’ ko salthaw nu Judah.

1 Kings 1:7

Me non ngak Joab, ni Zeruyah e chitiningin, nge ngak Abiathar ni prist, miyow yog ngak ni bay ra unew ngak ko tin be leamnag.

2 Samuel 17:25

Ma ke tay Absalom i Amasa nga luwan Joab, ni ir e ngi i yog e thin ko salthaw. Mi Jether ni ba Ishmael e chitamngin Amasa; mi Abigail e chitiningin, ni be’ ni bpin ni fak Nahash ma walagen Zeruyah ni chitiningin Joab.)

2 Samuel 2:18

Ma fa dalip i pumo’on ni fak Zeruyah e urmed u rom: Joab, Abishai, nge Asahel. I Asahel e ra mil ma bod payngin ba deer nib malboch,

Matthew 3:4

Mad rok John e ni ngongliy nga bunu’en e kamel; ma ke leed nga keru’ e gamanman; ma ggan rok e asman’ing nge honey ni be pir’eg u fithik’ e pan.

2 Samuel 2:13

Me Joab, ni chitinngin e Zeruyah, nge pi tolang ko salthaw rok David e ra mada’ niged e picha’nem nga charen bangi ran, miyad par u rom nga but’ ni yad gubin, reb e ulung nga barba’ fa gi ran ma reb nga barba’.

Deuteronomy 27:24

“‘Nge bucheg Got wa’athan e en nra thang e fan rok be’ nib mith.’ “Me fulweg e girdi’ ni gubin ni lungurad, ‘Amen!’