1 Kings 19:8 - Bible Ni Thothup

⁸ Me suwon Elijah, nge abich me garbod, me pi’ e re ggan nem gelngin nge yag ni yan u but’ ni aningeg i ragag e rran nge mada’ nga Sinai, ni fare burey nib thothup.

1 Kings 19:8 Referans Kwoze

Exodus 34:28

Me par Moses rok SOMOL u rom ni aningegi ragag e rran nge nep’, ni dariy ban’en nra kay ara garbod ngay. Me yoloy nga daken fa gal yang i malang fapi thin ko fare m’ag, ni aram fare Ragag i Motochiyel.

Matthew 4:2

Ma fa’ani par ni aningeg i ragag e rran nge neap’ nde abich, me yib e bilig ngak.

Deuteronomy 9:18

Mu gu paraw nga but’ bayay u p’eowchen SOMOL ni aningeg i ragag e rran nge nep’ ni da gu way ban’en ara gu garbod. Gu rin’ e ren’ey ni bochan e ka mu denengad nib togopluw ngak SOMOL ka mu k’aringed e damumuw ngak.

Exodus 24:18

Me yan Moses ngalang ko fare burey nge chuw nga fithik’ fare gi manileng. Me par u rom ni aningeg i ragag e rran nge nep’.

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

2 Korinth 12:9

Ma fulweg rok ngog e ga’ar, “Ayuw rog ngom e kemus e ta’are n’en ni ir e thangri yag ngom; ya gelngig e rib gel ko ngiyal’ ni gab me’waer.” Ere kari gu felfelan’ ni nggu uf ko me’waer rog, ni fan e nggu thamiy rog nike yib gelngin Kristus ngog ni nge mang yoror rog.

Luke 4:2

ko gin ni i guy mo’onyan’ rogon e n’en nra rin’ me denen Jesus, ni aningeg i ragag e rran ni yodoromnag. Ma aram n’umngin nap’an nde kay ban’en, ere fa’ani m’ay e pi rran nem ma ke yib e bilig ngak.

Mark 1:13

Me par Jesus u daken e ted ko gin ni bay e gamanman ni malboch riy ni aningeg i ragag e rran, mi i guy mo’onyan’ rogon e n’en nra rin’ me denen Jesus. Me yib e pi engel ngarbad ra pigpiggad ngak.

Daniel 1:15

Ma fa’ani m’ay fare ragag i rran, ma yira guyrad ma kab fel’fel’ rogorad ma yad ba gel ngak urngin e pi’in ni ur ked e ggan rok e en ni pilung.

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Exodus 4:27

Me ga’ar SOMOL ngak Aron, “Mman ngalan e ted ni desert ngam guy Moses.” Me yan ngar mada’gow u daken fare burey rok Got; ma fa’ani mada’nag, me faray owchen Moses.

1 Kings 19:7

Me sul fare engel rok SOMOL me pug bayay ni ga’ar, “Mu od ngam abich, ya ba n’uw e kanawo’ ni ngam man riy.”

1 Kings 17:6

Mi i unum e ran ko re lul’ nem, mi i fek e arche’ ni gapl’uw e flowa nge ufin i yib ngak ni gubin e kadbul nge blayal’.