1 Kings 19:4 - Bible Ni Thothup

⁴ me yan Elijah u but’ ni reb e rran ni be sor i yan nga daken e ted. Me tal nga tan ba ke gek’iy ko gin nib tagalul’, ngi i athpeg u wan’ ni manga yigi yim’. Me meybil ni ga’ar, “SOMOL, re gafgow ney ni aray ga’ngin e dabkiyag rog. Mfek e pogofan rog, ya kabfel’ ni nggum’!”

1 Kings 19:4 Referans Kwoze

Jonah 4:3

SOMOL, mu thang e pogofan rog, ya kabfel’ ni gu ra yim’ ko bin ni nggu par ni gub fos.”

Numbers 11:15

Fa’anra irera’ e n’en ni ngam rin’ ngog, me ere mu runguyeg ngam thang e pogofan rog nggu chuw ko gafgow.”

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”

Roma 3:9

Gur ba sorodad piyu Israel ngak e pi’in gathi yad piyu Israel? Ri danga’! Kug mu’ i weliy nib tamilang faram ni piyu Israel nge pi’in gathi yad piyu Israel e yad gubin ni yad bay u tan gelngin e denen.

John 4:6

Ere bay e luwed ku Jakob ko gin’em, ma aram e ke magaer Jesus ko milekag, me par nga but’ u to’oben e re luwed nem. Ma ngiyal’nem e gonap’an e ke misiw’.

Nahum 3:8

Nineveh, gur e gabfel’ boch ngak yu Thebes, ni aram e tochuch nu Egypt? Ir ma immoy ba lul’ ni i yororiy ni bod bang i rungrung, fare lul’ ni Nile e i mang rungrung ngak.

Amos 6:2

Marod ngam yaliyed e binaw nu Kalneh. Mi gimed yan u rom ko fare binaw ni ba ga’ nu Hamath, mi gimed yan u rom nga p’ening ko fare binaw rok e piyu Filistia ni er yu Gath. Gur kabfel’ fapi binaw ko nam nu Judah ngu Israel? Gur ba ga’ taferad nga tafenmed?

2 Kings 2:11

Ma nap’an ni yow be yan ni yow be non ma yugu ra gingow ma ke yib ba chariot nib nifiy ni be girengiy bogi os nnifiy, me yib nga thilrow nge weregrow, me fek ba nanyor Elijah nga tharmiy.

1 Kings 19:3

Me rus Elijah, me mil nike milnag e pogofan rok; me un fare tapigpig rok ngak ngranow nga Beersheba ni bay u lan yu Judah. Me pag fare tapigpig rok u rom,

1 Kings 13:14

u daken fare pa’ i kanawo’ ni be lek fare profet nu Judah me pir’eg ni be par u tan ba ke gek’iy ni oak. Me fith, ni ga’ar, “Mog i gur fare profet nu Judah?” Me fulweg fare mo’on, ni ga’ar, “I gag.”

Matthew 6:26

A mu guyed e arche’ ni yad be chachangeg: darir yunged awochngin e woldug, fa ra kunuyed e woldug nike el ngar ted nga naun; ma Chitamangimed nu tharmiy e be ayuwegrad! Gathi ka ba ga’ famed ngak e arche’?

1 Kings 19:5

Me pag ir nga but’ u tan fare ke gek’iy me mol. Me gin nike yib ba engel i math ngak me ga’ar, “Mu od ngam abich.”

BABYOR NI JOB 6:9

Mang e yigi li’eg ngum’!

Jeremiah 20:9

Machane fa’anra lungug u wun’ug, “Dab kug leamnag SOMOL ma dab kug weliy ban’en u fithingan,” ma aram e thin rom e ke bod ba nifiy ni be yik u fithik’ i lanin’ug nib to’ar. Mu gguy rogon ni nggu par nga daken, machane dabiyag ni nggu tay rog.

BABYOR NI JOB 6:8

Mangfan ni der pi’ Got ngog e n’en ni gu be ning? Mangfan ni der fulweg taban e meybil rog?