1 Kings 19:2 - Bible Ni Thothup

² Me pi’ Jezebel e thin nge yan ngak Elijah ni ga’ar, “Mang e yigi gad e pi got pa’rad ngog nggum’ ni fa’anra yan i taw ko ngiyal’ney gabul ma dawor gu rin’ ngom e n’en ni kam rin’ ngak fapi profet.”

1 Kings 19:2 Referans Kwoze

2 Kings 6:31

Me ga’ar, “I Got e nge li’eg nggum’ ni fa’anra dab gog ni ngan th’ab lolugen Elisa e daba’!”

1 Kings 20:10

rok Benhadad: “Gu ra fek urngin e pumo’on ni ba gaman ni nge gathay e re binaw rom nir miyad fek chabungen ngalan pa’rad. Mang e yigi li’eg e pi got nggum’ ni fa’anra dab gu rin’.”

Ruth 1:17

Ma gin ni bay mum’ riy, e bay gum’ riy, me ir e bay ni k’eygeg riy. Mang e yigi pag SOMOL e bin ga’ e gechig ngog ni fa’anra gu pag yugu ban’en nge deregdow ni fa’anra gathi yam’!”

Daniel 3:15

Ere nap’an ni yig gimed ra rung’ag lingan e rappa, nge tatelin e musik ni oboe, nge lyre, nge zither, nge harp, nge urngin e tin kabay e tatelin e musik, ma aram e ngam siro’gad ngam ted fan e re liyos nem. Ma fa’anra dab mu rin’ed, ma ka chingiyal’ nem e nga nin’med ngalan ba tafen e nifiy ni be daramram. Gimed be finey ma bay reb e got nrayag rok ni nge ayuwegmed?”

Proverbs 27:1

Dab mu uf ko tin ngam rin’ gabul, ya da mu nang e n’en ni bay yib u thilin e chiney nge gabul.

Exodus 10:28

Me ga’ar ngak Moses, “Mu chuw u p’eowcheg! Ngam guy rogon ndabki sabol owchedow bayay, ya chirofen ni ga ra rin’ e ngan li’em ngamum’.”

1 Kings 2:28

Me rung’ag Joab e n’en ke buch. (Ma ba fol ngak Adonijah, gathi Absalom.) Ma aram me mil nge yan ko fare Tent u p’eowchen SOMOL nge yan i kol tabthungen fare altar.

2 Kings 19:22

Ga be leamnag me mini’ e ga be yog e thin nib kireb ngak ma ga be minmin ngak? Kam darifan nigeg, i gag fare Got ni thothup rok yu Israel.

Exodus 15:9

Me ga’ar e to’ogor, ‘Nggu lol’ograd nggu kolrad; mu gu tay e f’oth ko machaf rorad nggu fek gubin e tin gu ba’adag; bay gu girengiy e saydon rog nggu fek urngin e tin ni bay rorad.’

2 Samuel 3:9

Ke micheg SOMOL ngak David ni bayi chuweg e gagiyeg ko pilung u pa’ Saul nge pi’in owchen me tay David nge mang pilung nu Israel ngu Judah, ni mus u baley fare nam nge thang nga baley. Ere chiney e mang e yigi li’eg Got nggum’ ni fa’anra dab gu muruwliy ni nge yib i m’ug e re bug i thin ney nib riyul’!”

2 Samuel 19:13

Miki yog David ngorow ni nga rognew lungun ngak Amasa ni nge lungurow, “I gur e ga be’ rog. Chiney i yan nga m’on e kug tem ni gur e nge milfan e salthaw ngom, ni aram e kam man nga luwan Joab. Fa’anra dab gu tem ngay me Got e nge li’eg nggum’!”

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 26:21

Jehoyakim ni Pilung nge pi salthaw rok nge pi tolang ni bay u tan pa’ e rrung’aged e tin ni yog Uriah, me guy e en ni pilung rogon ni ngan thang e pogofan rok. Machane me rung’ag Uriah; me mil nike rus, nge yan nga Egypt.

1 Kings 2:23

Ma aram me micheg Solomon bbugithin u fithingan SOMOL, “Gu be micheg ni nge yim’ Adonijah ni bochan e biney nike ning, fa’ara dabi yim’ ma gu be yibilay ni nge gechig nigeg Got!