1 Kings 19:10 - Bible Ni Thothup

¹⁰ Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 19:10 Referans Kwoze

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

1 Kings 18:22

Me ga’ar Elijah, “Kemus ni gag e kug magey ni profet rok SOMOL, machane 450 e pi profet rok Baal.

Exodus 34:14

“Dab mu tedfan yug reb e got, ni bochan e Gag SOMOL e dagurma k’adan’ug ko tagenging.

Exodus 20:5

Dab mu siro’gad ara mu pigpiggad ngorad; ya gag fare SOMOL ni Got romed, mi gag ba Got ni gu ba talyeg. Gu ra fek e gechig i yib nga daken e pi’in yad be fanenikayeg nge nga daken pifakrad nge mada’ ko bin dalip e mfen.

1 Kings 18:30

Me ga’ar Elijah ngak e girdi’, “Mu chuchugurgad ngog,” miyad mu’ulung nga charen ni karon’ed nga longob. Me tabab Elijah i ubung fare altar rok SOMOL ni fa’an nni buthug.

Numbers 25:13

Ni ir nge pi’in bay yib ni owchen e ke duwgil ni yad e prist ndariy n’umngin nap’an, ni bochan e de k’adan’ ko togopluw ni yibe tay ngog, ni aram fan ni kan n’agfan e denen ko girdi’.”

Numbers 25:11

“Bochan e n’en nike rin’ Finehas, ma kem’aynag e damumuw rog ngak e girdi’ nu Israel. Ya deyag rok ni k’adan’ ko tayfan ni yibe tay ngak yug reb e got ni gathi gag, aramfan ni da gu thang owcharad u fithik’ e damumuw rog.

John 2:17

Me yib ngan’ pi gachalpen ni bay ko babyor nib thothup nike ga’ar, “Rogon ni gu be tiyan’ug ko naun rom, i gur Got, e be yik’ u fithik’ag ni bod ba nifiy.”

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Mikah 6:16

Bayi buch e pin’ey ya kam folwokgad ko kireb ni i ngongliy Omri ni Pilung nge fare pumo’on ni fak, i Ahab ni Pilung. Ya kam pired ni gimed be folwok ko tin ur rin’ew, ere bay gu kireb nagmed me dabuy gubin e girdi’ dakanmed.”

Hosea 5:11

Israel e yi be gafgownag. Ya ke mul e binaw ntafen u pa’ ya kari turguy u wan’ ni ngi i yan i ning e ayuw ngak e pi’in ndabiyag ni ngar pi’ed e ayuw ngak.

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Psalms 119:139

Damumuw rog e be yik’ u fithik’ag ni bod ba nifiy, ni bochan e pi to’ogor rog e darir leam niged e tin kamog ni ngan rin’.

Psalms 69:9

Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy; thin ni kireb ni yibe yog ngom e be kun ngog.

1 Kings 22:8

Me ga’ar Ahab, “Kabay ta’abe’, ni Mikayah fithingan, ni fak Imlah. Machane kug dabuy daken, ya dariy ban’en ni bfel’ nike yi’iynag ngog; gubin ngiyal’ ni ban’en nib kireb e ma yi’iynag ni nge yib ngog.” Me ga’ar Jehoshafat, “Dabmog e bug nir e thin!”

1 Kings 19:14

Me fulweg ni ga’ar, “SOMOL ni Got, ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan ko urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 19:2

Me pi’ Jezebel e thin nge yan ngak Elijah ni ga’ar, “Mang e yigi gad e pi got pa’rad ngog nggum’ ni fa’anra yan i taw ko ngiyal’ney gabul ma dawor gu rin’ ngom e n’en ni kam rin’ ngak fapi profet.”

1 Kings 18:20

Me ulunguy Ahab urngin piyu Israel nge fapi profet rok Baal ko burey ni Karmel.

1 Kings 18:17

Fa’ani guy Ahab Elijah me ga’ar ngak, “Mog, ri gur fa’anem ni ba ga’ e gafgow ni kam tay ngak yu Israel?”

1 Kings 18:10

Gu be micheg u p’eowchen SOMOL ni be par nib fos, ni ir e Got rom, ni en ni pilung e ke gayem u gubin e nam u fayleng. Ma yira yog ngak u reb e nam nda mmoy u rom me yog ni pilung ko fare nam e ngari micheg ndawor ni piri’egem u rom.

1 Kings 20:35

I yog ba profet ni girdi’en ba ulung i profet ngak bagyad fapi profet ni yow nga ulung ni nge pirdi’iy, ya aram rogon nike yog SOMOL ngak. Machane de rin’ facha’,

1 Kings 20:22

Ma aram me yan fare profet ngak Ahab ni Pilung me ga’ar, “Musul ngam gelnag gelngin e yu raba’ i salthaw rom mag fal’eg i t’ar liben e tin ngam rin’, ni bochan e fare pilung nu Syria e ku ra yib ni mael bayay u nap’an e spring.”

1 Kings 20:13

Ngiyal’nem me yan ba profet ngak Ahab ni Pilung, me ga’ar ngak, “Be ga’ar SOMOL, ‘Dab mu rus nga ga’ngin e raba’ i salthaw nem! Bay gu tem ngam gel ngak e daba’, ma bay munang ni gag SOMOL.’”

Hebrews 11:37

Ma un malang nagrad ngarm’ad, ma un goloyochiy boch i yad nge ruw ley, ma boch i yad e un li’ ko saydon. Ma uranod i yan ni keru’ e saf nge kaming e kron’ed ni mad, ni kar gafgowgad, ma yibe gafgow nagrad, ma ba kireb e ngongol ni yibe rin’ ngorad.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

2 Kings 10:16

me ga’ar, “Mu’un ngog ngam guy nga owchem rogon feni gub yul’yul’ ngak SOMOL.” Mranow u ta’bang u lan fare chariot ngalan yu Samaria.

Jeremiah 36:26

Ma aram me l’oeg I Jerahmeel nib mo’on ni fak nge Serayah nib mo’on ni fak Azriel nge Shelemiah nib mo’on ni fak Abdeel, ni ngar koled gag nge tayol rog i Baruk. Machane SOMOL e ke mithag mow.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Psalms 78:37

Dar yul’yul’gad ngak; ma ku dar yul’yul’gad ko fare m’ag ni bay u thilrad.

Psalms 119:26

Kugog ngom urngin e tin gu rin’, ma ka mu fulweg lungug; mu fil ngog e yu pa’ i kanawo’ rom.

Psalms 119:126

SOMOL, ke taw ko ngiyal’ ni ngam mithmith, ya dakir fol e girdi’ ko motochiyel rom.

Isaiah 49:4

Me lungug, “Ku gu maruwel, machane bm’ayfan. Gelngig e kem’ay, ma dariy ban’en nike yib riy.” Machane kug pag fan urngin ban’en nga pa’ SOMOL; bayi pi’ puluwog ko tin gu be rin’.