1 Kings 18:4 - Bible Ni Thothup

⁴ ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

1 Kings 18:4 Referans Kwoze

1 Kings 18:13

Mog, dawor mu rung’ag ni fa ngiyal’nem ni be thang Jezebel e pogofan ko pi profet rok SOMOL ma ra’ay i yad e gu mithag ngalan e yiy ni yad l’agruw ulung nra reb e ulung ma wugem, mu ug pi’ garad nge garbod rorad?

Hebrews 11:38

Ya dab ra m’aggad e girdi’ nu roy u fayleng! Ma uranod u daken e ted i yan nge yungi n’en ni go’o burey, ma yad be par u lan e yiy nge low u tan e but’.

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

Matthew 25:35

Gum’ ko bilig mi gimed pi’ ganag, ma gum’ ko belel mi gimed pi’ e garbod ngog; gu be’ nda mu nanged owcheg mi gimed fekeg nga tabinaw romed,

Matthew 21:35

Me kol fa pi’in kar ninged fa gi woldug fapi sib rok facha’, ngar pirdi’iyed bagayad, miyad li’ bagayad ngem’, miyad malangnag bagayad.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

1 Kings 13:16

Machane me fulweg fare profet nu Judah, ni ga’ar, “Dabiyag ni nggu’un ngom nga tabnaw fa gu fanay e tin ga be t’ufegeg ngay. Ma ku dab gu wa’ fa gu unum ban’en ni kam pi’ u roy,

1 Kings 18:5

Me ga’ar Ahab ngak Obadiah, “Ngdarow ngad lekgew urngin e alublub nge lul’ ko re nam ney ngad guyew ko gadow ra pir’eg e pan u bang nra gaman e os nge gamanman ni mule riy ya nge siy kur m’ad, ma sana ra yan i aw ndab kud li’ed boch e tirodad e gamanman.”

2 Kings 6:32

Me pi’ be’ ni nge yan i kol Elisa. Ma ngiyal’nem e bay Elisa nge boch e pumo’on ni pi’ilal u naun rok. Dawori taw facha’ ni kanol’og, me ga’ar Elisa ngak fa pi’in yad, “Fare tathang e pogofan e ke pi’ be’ ni nge li’eg nggum’. Ere fa’anra taw ma ngan ning e mab ndabi yib nga naun; ya en ni pilung e be lay u tomuren.”

2 Kings 9:7

Gur e ngam li’ nge yim’ fare masta rom ni fare pilung, fare mo’on ni fak Ahab, ya nggu gechignag Jezebel ni bochan e ke thang e fan rok e pi profet rog nge ku boch e pi tapigpig rog.

Isaiah 16:3

Miyad ga’ar ngak e girdi’ nu Judah, “Moged ngomad ko mang e nggu rin’ed. Mu yororgad romad ni bod ba ke gek’iy ni aw fon nib tagarbeb u gowalngin e misiw, mpaged gamad nggu toffangad nga fomed. Ya gamad bogni’ ndariy tafenmad, mmithaged gamad ko gin ndariy be’ nra pat ngomad riy.

Jeremiah 26:24

Da ni pi’eg nga pa’ e girdi’ ngan thang e fan rog ni bochan e yib Ahikam ngi i ayuwegneg, nib mo’on ni Shafan e chitamngin.

Jeremiah 36:19

Me lungurad ngak, “I gur nge Jeremiah e thingar mmarow ngam mithgow. Ngam guyew rogon ndabi nang be’ e gin gimew bay riy.”

1 Kings 17:11

Ma nap’an ni yan ni nge fek me ga’ar ngak, “Wenig ngom, ku mfek e flowa nggu way.”