1 Kings 18:2 - Bible Ni Thothup

² Me yan Elijah. Ma kari gel e uyongol u Samaria e ngiyal’nem,

1 Kings 18:2 Referans Kwoze

Jeremiah 14:18

Nap’an ni gu ra yan nga daken e pi flang ma gu be guy e ldow ko pumo’on ni kan li’rad ko mael; ma nap’an e gu ra yan ngalan e yochi binaw, mu gguy e girdi’ ni yad be yim’ ni mak’iy. Pi profet nge pi prist e ka yad be ngongliy e maruwel rorad, machane dar nanged e n’en ni yad be rin’.”

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Proverbs 28:1

Pi’in kireb e yad ma mil ko ngiyal’ ndariy be’ ni be lol’oegrad, ma be’ nib mat’aw e bod feni m’uthan ba layon.

Psalms 51:4

Kug denen nib togopluw ngom, ni kemus ni gur e ba togopluw ngom, ma kug rin’ e tin nib kireb u wun’um. Ere mmat’aw ni ngam pufthin nigeg, bay mat’awum ni ngam turguy e gechig rog.

Psalms 27:1

I SOMOL e tamilang rog me ir e bay rog ni be ayuwegneg i yan; dab gu rus ngak be’. SOMOL e be yororiyeg ko riya’; ere dab gu tamdag.

2 Kings 6:25

Bochan e re m’ag mael nem me lich e ggan u lan fare binaw nu Samaria, ra ta’reb e llug ko dongki ma meruk i ragag yang e silber puluwon, ma ra ba ley e pawn e subuyas ni be tugul u mapan ma lal yang e silber puluwon.

Levitikus 26:26

Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

1 Kings 18:1

Me yan i bingyal’ u lan e bin dalip e duw ni daki aw e n’uw, me ga’ar SOMOL ngak Elijah, “Mman ngam m’ug ngak Ahab ni Pilung, ya bay gu pi’ e n’uw nge yib.”

1 Kings 18:3

me pi’ Ahab e thin nge yan ngak Obadiah nge yib, ya ir e be ayuweg urngin ban’en u tafen Ahab ni Pilung. Obadiah e be’ ni bay madgun SOMOL u wan’ ma ba yul’yul’ ngak,

Levitikus 26:20

Gubin e pi maruwel ni kam ted nib gel e da biyib angin ni bfel’ ngomed, ni bochan e dabi pi’ e but’ romed e woldug, ma gek’iy e dabi yib wom’ngin.

2 Kings 1:4

Mogned ngak e en ni pilung ni be ga’ar SOMOL, ‘Dab kum gol ko pi mad’ad rom nir; bay mum’!’” Me rin’ Elijah ni bod ni keyog SOMOL ngak ni nge rin’,

Psalms 56:5

Pi to’ogor rog e yad be k’ar oloboch ngog ni polo’ e rran; yigu yad be leamnag kanawo’en ni ngar gafgow nigedgag!