1 Kings 16:2 - Bible Ni Thothup

² “Ummoy ndariyfam, machane mu gu tem ni gur e ngam gafaliy e girdi’ rog nu Israel. Ma ke chiney ma ga be denen ni bod Jeroboam kam waliy e girdi’ rog nga fithik’ e denen. Pi denen rorad e ke pug e damumuw rog,

1 Kings 16:2 Referans Kwoze

1 Kings 15:34

Me denen nib togopluw ngak SOMOL nge waliy yu Israel nga fithik’ e denen, ni bod Jeroboam ni Pilung ni immoy nib m’on rok.

1 Kings 14:7

Mman ngamog ngak Jeroboam ni ba’aray e n’en ni be yog SOMOL ni Got rok yu Israel ngak: ‘Kug mel’egem u fithik’ e girdi’ kug tem ni gur e ngu’um gagiyegnag e girdi’ rog ni piyu Israel.

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.

Luke 1:52

Pi pilung ni ba ga’ lungurad e ke chuwegrad u tagil’rad, ma ke tolangnag e pi’in nib sobut’.

Matthew 5:19

Aram fan ni en nra th’ab e gin nth’abi achig ko fapi motochiyel, me fil ngak e girdi’ ni ngar rin’ ed ni bod ir, e ra par ni ir e th’abi sobut’ u lan gil’ilungun e tharmiy. Machane en nra fol ko Motochiyel rok Got, me fil ngak e girdi’ ni ngar rin’ ed ni bod ir, e ra ga’ u lan e gagiyeg nu tharmiy.

1 Kings 15:26

Me denen nib togopluw ngak SOMOL me waliy yu Israel nga fithik’ e denen, ni bod e chitamngin.

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.

1 Samuel 2:24

Gal fakag, ngam talegew e tinir e pa’! Ya pi n’ir ni be weliy e girdi’ rok SOMOL murung’agen e bogi n’en nrib kireb!

Exodus 32:21

Me ga’ar ngak Aron, “Mang e ke rin’ e pi girdi’ ney ngom kam waliyrad kar ngongliyed e biney e denen nrib kireb?”

Jeremiah 7:18

Pi’in ni bitir e yad be kunuy e l’ud, me k’oreg e pumo’on e nifiy, me aruy e ppin e flowa ni ngar lithed ni fan ngak fare got ni bpin nike lungurad e ir e Queen nu tharmiy. Ma ku yad be pi’ e garbod ni maligach ngak yugu boch e got, ni fan e nge kireban’ug.