1 Kings 16:12 - Bible Ni Thothup

¹² Ma aram me yan i aw nrogon nike yog SOMOL nib togopluw ngak Baasha u l’ugun fare profet i Jehu, i Zimri e thang e fan rok ga’ngin fare tabnaw rok Baasha.

1 Kings 16:12 Referans Kwoze

1 Kings 16:1

Me non SOMOL ko fare profet i Jehu nib mo’on ni fak Hanani ni ba’aray e thin ni yog ni fan ngak Baasha:

Proverbs 26:6

Fa’anra mmulwol ngak be’ nib balyang ni nge yan i yog e mulwol rom, ma kabfel’ ni ngam th’ab rifrifen em; ya oloboch e ga be ning ni ngeb ngom.

2 Kronicles 10:15

I gagiyegnag SOMOL ni Got nge yan i aw ni aram rogon ya nge yib i m’ug nib riyul’ e tin ni yog ngak Jeroboam nib mo’on ni fak Nebat u l’ugun Ahijah ni profet nu Shiloh. Aray fan nde motoyil fare pilung ngak fapi girdi’.

2 Kings 14:25

Miki sulweg u fithik’ e mael urngin e yungi binaw ni tafen yu Israel, ni tabab u Hamath Pass u lane lel’och me yan i mada’ ko fare gi day ni Dead Sea ko yimuch. Irera’ e n’en ni micheg SOMOL ni Got rok yu Israel u l’ugun e tapigpig rok i Jonah ni profet nib mo’on ni fak Amittai nu Gath Hefer.

1 Kings 16:7

Fare profet i Jehu e ir e pi’ SOMOL e re thin nem ngak nib togopluw ngak Baasha nge tabnaw rok ni nge thapeg ni bochan e pi denen ni ngongliy Baasha nib togopluw ngak SOMOL. Ir e k’aring e damumuw ngak SOMOL ni gathi kemus ni bochan e kireb ni i rin’, ni bod rogon e tin i rin’ Jeroboam ni i Pilung u m’on, machane ku bochan e thang e pogofan rok gubin gathon e tabnaw rok Jeroboam.

1 Kings 16:3

ma aram e bay gu chuwegem nge tabnaw rom, nri bod rogon nu gu rin’ ngak Jeroboam.

1 Kings 14:18

Me mowawnag e girdi’ nu Israel fachi pagel miyad k’eyag, ni bod nike yog SOMOL u l’ugun e tapigpig rok, ni fare profet i Ahijah.

1 Kings 15:16

Me Asa ni Pilung nu Judah nge Baasha ni Pilung nu Israel e go’ mael e ra tew u n’umngin nap’an ni ur gagiyeggow.

2 Kronicles 19:2

Me Jehu ni profet nib mo’on ni fak Hanani e yan i mada’nag fare pilung me ga’ar ngak, “Ga be leamnag ma bmat’aw ni ngan ayuweg e pi’in ba kireb min fol ngak e pi’in ni dubrad SOMOL? N’en ni ka mu rin’ e ke girengiy e damumuw rok SOMOL nga dakenam.

2 Kronicles 20:34

Gubin e tin kabay ni i rin’ Jehoshafat u tobolngin e gagiyeg rok nge mada’ nga tungun e ka ni yoloy ngalan e babyor ni Chepin i Jehu nib mo’on ni fak Hanani ni bang ko fare babyor ni Chepin e Pilung nu Israel.

1 Kings 17:16

De m’ay e flowa u lan fare raba’ i n’em, ma de m’ay e gapgep u lan fare rume’, ni bod ni micheg SOMOL ngak fare pin u l’ugun Elijah.