1 Kings 15:5 - Bible Ni Thothup

⁵ I rin’ SOMOL e ren’ey ni bochan e i rin’ David e tin nib m’agan’ SOMOL ngay ma dariy ban’en ni yog ngak ni pag, kemus ni fare oloboch ni ngongliy ngak Uriah nib Hittite.

1 Kings 15:5 Referans Kwoze

1 Kings 14:8

Kug fek e gagiyeg ko pulung rok e pi’in owchen David kug pi’ ngom. Machane da mur par ni bod e tapigpig rog i David, nrib yul’yul’ ngog, ir e ma fol ko tin kugog, ma tin nib magan’ug ngay e i rin’.

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

1 Kings 9:4

Fa’anra um pigpig ngog ni bod ni i rin’ e chitamam i David, ni i par nib yul’yul’, ma ba yal’uw, ma ga be rin’ urngin e tin kugog ngom ni ngu’um rin’, ma ga be fol ko pi motochiyel rog,

Acts 13:36

Ya David e i ngongliy e tin ni leamnag Got ko birok’ e tayim, nge mu’ me yim’, mi ni k’eyag nga to’oben pi chitamngin, me mel u lane low.

Acts 13:22

Ma nap’an ni chuweg Got Saul, me fek David nge tay ni ir e nge mang pilung. Ba’aray e n’en ni yog Got ni murung’agen David, ‘Kug pir’eg ni David, ni fak Jesse, e ir e cha’ ni gub adag, ya ir be’ nra rin’ urngin e tin ni gub adag ni nge rin’.’

Psalms 119:6

Fa’anra gu tiyan’ug nga gubin e tin kamog, ma aram e dab ni tamra’ nigeg.

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

2 Kronicles 34:2

Me rin’ e tin nib m’agan’ SOMOL ngay; i folwok ko ga’ rok ni aram David ni Pilung, ri i fol u gubin e motochiyel rok Got.

2 Kings 22:2

Josiah e i rin’ e tin nib m’agan’ SOMOL ngay; ya i folwok rok David ni ga’ rok kakrom, ri i par ni be fol ko urngin e motochiyel rok Got.

1 Kings 15:3

Pi denen ni i rin’ e chitamngin e ki i rin’ ma gathi ri i yul’yul’ ngak SOMOL ni Got rok, ni bod rogon ni rin’ David ni thangtuw rok.

Deuteronomy 17:20

Irera’ rogon ma dabi leamnag nib sorok boch ngak e pi’in yad nu Israel, ma dariy e ngiyal’ ni nge pi’ keru’ ko tin keyog SOMOL ni ngan rin’. Ma aram e ra par ngi i gagiyeg nib yo’or e duw, ma pi’in owchen e bay ur gagiyeg niged piyu Israel nib yo’or e mfen.

Psalms 119:102

Dawor gu pi’ keru’ug ko fonow rom, ya gur e tamchib rog.

1 Samuel 25:28

Siro’, wenig ngom mu n’agfan rog, ni fa’anra bay ban’en nib kireb ni kug rin’. Bayi tem SOMOL ni gur e pilung, ma ku errogon e pi’in owchem, ni bochan e ga be mael ni fan ngak; ma dab mu rin’ ban’en nib kireb u n’umngin nnap’an e yafos rom.

1 Kings 3:3

Solomon e ba t’uf SOMOL rok, ma i fol ko thin rok David ni chitamngin, machane ki i pi’ e gamanman ni maligach miki i urfiy e incense ko yungi n’en nib tolang.