1 Kings 12:4 - Bible Ni Thothup

⁴ “Chitamam i Solomon e i gelnag e thin ngomad mi i pi’ e maruwel ngomad nib gel. Fa’an ga ra waernag e maruwel ngomad nggu momgad boch, ma ra ug yul’yul’gad ngom.”

1 Kings 12:4 Referans Kwoze

1 Kings 4:7

Me mel’eg Solomon ragag nge l’agruw i pumo’on ni ngar manged owchen e am ko yungi nug nu lan yu Israel. Yad e ngu’ur pi’ed e ggan u lane yungi nug rorad ni fan ngak e en ni pilung nge chon e tabnaw rok, ra reb fapi pumo’on ma ireram e maruwel rok u reb e pul u lan reb e duw.

1 John 5:3

Ya ba’aray fan ni nge t’uf Got rodad: fan e ngad folgad ko tin keyog ni ngad rin’ed. Ma tin keyog ni ngad rin’ed e gathi rib mo’maw’,

Matthew 23:4

Yad be ngongliy rogon bogi n’en nib tomal ngar m’aged nga daken keru’ e girdi’, machane dariy an’rad ni ngar mithmitheged ta’ab bugul i pa’rad ngar ayuweged yad i fek e pin’en nib tomal nem.

1 Kings 9:15

Solomon ni Pilung e maruwel ko pi sib ngar toyed fare Tempel nge fare naun ni tafen e pilung, miyad suguy bang e binaw nga ba’ ni ngek ko fare binaw, miyad ngongliy e yaror nge liyeg fare binaw nu Jerusalem. Miki maruwel ngorad ngar ngongliyed bayay fapi binaw nu Hazor, Megiddo, nge Gezer. (

1 Kings 12:3

ya pi’ e girdi’ ko ley ni lel’och yu Israel e thin nge yan ngak ni nge yib, ma yad gubin nranod ngak Rehoboam me lungurad,