1 Kings 12:1 - Bible Ni Thothup

¹ Me yan Rehoboam nga Shekem, ma ke mu’ulung gubin e girdi’ ko ley ni lel’och yu Israel e ngaram ni ngar pilung niged.

1 Kings 12:1 Referans Kwoze

Judges 9:6

Me mu’ulung urngin e pumo’on nu Shekem ngu Bethmillo ngranod ko fare ke gek’iy oak nib tabgul u Shekem, ni aram fa gin nra pilung niged Abimelek riy.

Psalms 60:6

Par Got u tagil’ nib thothup me ga’ar, “Kug gel, ere fare binaw nu Shekem e bay gu pag e f’oth ngay, mug pi’ fare loway nu Sukkoth ngak e girdi’ rog.

1 Kings 11:43

Me yim’ mi ni k’eyag u Jerusalem, me yan Rehoboam ni fak nga luwan nge pilung.

Judges 9:1

Me yan Abimelek ni be’ nib mo’on ni fak Gideon nga bochi binaw nga Shekem ko gin be par urngin e girdi’ rok e chitiningin riy. Me yog ngorad

Joshua 24:32

Yilen Josef ni fek piyu Israel u Egypt i yib e ni k’eyag u Shekem u daken fa gi but’ ni chuw’iy Jakob rok fapi pumo’on ni fak Hamor, me Hamor e chitamngin Shekem, ni ra’ay yang e silber e pi’ ni puluwon. Re gi but’ nem e par nike tafnay e pi’in owchen Josef.

Joshua 24:1

Me ulunguy Joshua urngin e ganong nu Israel nga Shekem. Me non ngak e pi’in pi’lal, nge pi’in yad ma yog e thin rok piyu Israel, nge pi tayugang’, nge pi tolang rok piyu Israel, miyad yib nga p’eowchen Got.

Joshua 20:7

Ere ba’ ni ngal ko Jordan e ra mel’egged yu Kedesh u lan yu Galilee, ni go’ burey u lan yu Naftali, ngu Shekem ni go’ burey u lan yu Efraim, nge Kiriath Arba (ni aram yu Hebron) ni go’ burey u lan yu Judah.

Genesis 12:6

me milekag Abram nge yib i mada’ ko fa gin’en ni bay fare ke gek’iy ni oak riy u Moreh u lan e binaw nu Shekem. (Re ngiyal’ i n’em e ka be par e girdi’ ni kanog e Kanaanite ngorad u lan e re nam nem.)

Acts 7:16

Min chuweg e yil rorad u rom ngan fek i yib nga Shekem, ni aram e gin ntayrad riy ngalan ba malangen e yam’ ni chuw’iy Abraham rok e girdi’ nu Hamor ni pi’ e salpiy ngay.

Jeremiah 41:5

me taw meruk i ragag e pumo’on nu Shekem, ngu Shiloh, nge yu Samaria. Kar puyed sorbarad ma kar guchthuyed e mad u dakerad ma kar rasayed dowrad. Kar feked e grain nge incense ni ngar pi’ed ni maligach u Tempel.

1 Kings 12:25

Me yororiy Jeroboam ni Pilung nu Israel e binaw nu Shekem ni fan ko mael u lan fare gi nug nu Efraim ni go’ burey me par u rom bochi ngiyal’. Me chuw u rom nge yan i yororiy e binaw nu Penuel ni fan ko mael.

2 Kronicles 11:1

Nap’an ni taw Rehoboam ni Pilung nga Jerusalem, me pining nga ta’bang 180,000 e salthaw nth’abi cheag ko fa gal ganong rok Benjamin nge Judah. Ke leamnag ni ngaranod ko mael ngar sulweged e pi ganong nu ley ni lel’och yu Israel nga tan pa’.