1 Kings 11:5 - Bible Ni Thothup

⁵ I tayfan Astarte, nib got rok yu Sidon, nge Molek ni ba got ni ba sonogor nu Ammon.

1 Kings 11:5 Referans Kwoze

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

Judges 2:13

Miyad tal ko liyor ngak SOMOL nge mang fapi liyos ni ya’an Baal nge i Astarte e ur ted fan.

2 Kings 23:13

Miki kirebnag Josiah fapi altar ni ngongliy Solomon ni Pilung ni bay ko ngek u Jerusalem, ma bay ko yimuch ko Burey nu olives ni fan ko meybil ko liyos, ni aram e yibe tay fan fare got ni Astarte ni got rok yu Sidon, nge Kemosh ni got rok yu Moab, nge Milcom ni got rok yu Ammon.

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.

Zefaniah 1:5

Bay gu thang mit e en ma yan ngalang nga daken e chigiy ko naun ngi i tayfan e y’al, pul, nge pi t’uf. Ma ku bay gu thang mit e pi’in yad ma meybil ngog miyad ma micheg ni yad ba yul’yul’ ngog, machane miyad cheal ngar pagedyad ngan yiblayrad u fithingan fare got ni Molek.

1 Samuel 12:10

Ma aram miyad ning e ayuw ngalang ngak SOMOL ni be lungurad, ‘Kug denengad, ya kug pi’ed keru’mad ngom, i gur SOMOL, ma gamad be meybil ngak e liyos ni ya’an Baal nge Astarte. Mu chuwegmad u pa’ e pi to’ogor romad, ma gamad par ni gur e bay ug liyorgad ngom!’

Levitikus 18:21

Dab mu pi’ fakam ni fan ko tayfan ni yima tay ngak fare got ni Molek, ya ra dariy fannag fithingan Got ni ir e SOMOL.

1 Kings 11:6

I denen nib togopluw ngak SOMOL ma daki par nib yul’yul’ ngak ni bod ni i par David ni chitamngin.

Isaiah 44:19

En nma ngongliy e liyos e dariy e leam rok ni nge ga’ar, “Yu yang ko gi ren ney ni kug ngongliy e liyos riy e kug urfiy boch e flowa u daken k’afin, ma kug urfiy e ufin ngay kug longuy. Ma gin ni magey ko fa gi gek’iy e kug ngongliy ba liyos riy. Kug par ni gu be siro’ nga bangi gek’iy!”

Judges 2:11

Ma aram me denen e girdi’ nu Israel nib togopluw ngak SOMOL miyad cheal ngu’ur pigpiggad ngak Baal.