1 Kings 11:4 - Bible Ni Thothup

⁴ ma nap’an ni pilbithir ma kar waliyed ke un i tayfan yug boch e got. Ma daki yul’yul’ ngak SOMOL ni Got rok, ni bod David ni chitamngin ni i par.

1 Kings 11:4 Referans Kwoze

1 Kings 9:4

Fa’anra um pigpig ngog ni bod ni i rin’ e chitamam i David, ni i par nib yul’yul’, ma ba yal’uw, ma ga be rin’ urngin e tin kugog ngom ni ngu’um rin’, ma ga be fol ko pi motochiyel rog,

1 Kings 8:61

Mang e yugum pired gimed e girdi’ rok, ni gubin ngiyal’ ni gimed ba yul’yul’ ngak SOMOL ni Got rodad, ma gimed be fol u urngin e motochiyel nge thin rok, ni bod ni gimed be rin’ e bin daba’ e rran.”

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

1 Kings 11:6

I denen nib togopluw ngak SOMOL ma daki par nib yul’yul’ ngak ni bod ni i par David ni chitamngin.

2 Kronicles 34:2

Me rin’ e tin nib m’agan’ SOMOL ngay; i folwok ko ga’ rok ni aram David ni Pilung, ri i fol u gubin e motochiyel rok Got.

2 Kronicles 17:3

SOMOL e tow’athnag Jehoshafat ni bochan e i falwok rok e chitamngin ni da i tay fan Baal.

1 Kings 11:2

I le’engiyrad ni yug aram rogon nike yog SOMOL ngak piyu Israel ndab ra mabgolgad ngak e pi girdi’ ney, ni bochan e yad ra pingeg yu Israel ngar tedfan yug boch e got.

Deuteronomy 17:17

Fare pilung e dabi yo’or le’engin, ya irera’ e n’en nra k’aring nge pi’ keru’ ngak SOMOL; ma ku dabi marweliy ni nge fel’ rogon ko silber nge gol.

2 Kronicles 25:2

I rin’ e tin nib m’agan’ SOMOL ngay machane i rin’ ni gathi rib pasigan’ ngay.

1 Kronicles 29:19

Ma ga pi’ ngak Solomon ni fakag reb e leam ni bfel’ ni ngi i fol u gubin ban’en ni kamog ni ngan rin’, ma nge toy fare Tempel ni ku gu t’ar madlin ku gu tay.”

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

1 Kings 15:14

Yug aram rogon nde gathay Asa urngin e yungi tagil’ e meybil rok e pi’in ndar nanged Got, machane i par nib yul’yul’ ngak SOMOL u n’umngin nap’an e yafos rok.

1 Kings 15:3

Pi denen ni i rin’ e chitamngin e ki i rin’ ma gathi ri i yul’yul’ ngak SOMOL ni Got rok, ni bod rogon ni rin’ David ni thangtuw rok.

1 Kings 14:21

Me Rehoboam nib mo’on ni fak Solomon e aningeg i ragag nge ta’reb e duw yangren me mang pilung nu Judah, me gagiyeg u lan yu Jerusalem ni ragag nge medlip e duw, ni aram fare binaw ni mel’eg SOMOL u fithik’ e pi ganong nu Israel ni aram e gin ngu’un liyor ngak riy. Chitiningin Rehoboam e Naamah nu Ammon.

1 Kings 11:42

Aningeg i ragag e duw ni i par u Jerusalem ni ir e pilung ni be gagiyegnag yu Israel ni ga’ngin.

1 Kings 11:38

Fa’an ga ra par ni ga be fol rog, ma ga be fol ko pi motochiyel rog, ma gab fel’ u wun’ug ni bochan e ga be rin’ e tin kugog ni bod ni i rin’ e tapigpig rog i David, ma gubin ngiyal’ ni bay ug par rom. Bay gu tem ni gur e pilung nu Israel mu gu tay ni pi’in owchem e bay urbad nga luwam ngu’ur gagiyeggad, ni bod ni ku gu rin’ ngak David.

1 Kings 9:10

Rliw’ e duw ni toy Solomon fare Tempel nge fare naun rok ni tafen e pilung.

1 Kings 6:1

U lan e bin l’agruw e pul ni fare pul ni Ziv, ko duw ni gaman e aningeg e duw nap’an nike pilung Solomon u Israel, ma ke gaman 480 e duw nap’an nike chuw yu Israel u Egypt, me tabab Solomon i muruwliy fare Tempel.

Deuteronomy 7:4

ya yad ra pingeg pifakmed nge dab ku ra folgad rok SOMOL miyad tay fan yugu boch e kan, ma aram e ra damumuw SOMOL ngomed nge thang owchemed nib machreg.

1 Kings 3:3

Solomon e ba t’uf SOMOL rok, ma i fol ko thin rok David ni chitamngin, machane ki i pi’ e gamanman ni maligach miki i urfiy e incense ko yungi n’en nib tolang.

1 Kings 11:9

Yug aram rogon nike yib SOMOL ni Got rok yu Israel i m’ug ngak Solomon ni l’agruw yay keyog ngak ni dabki tayfan yug boch e got. Me Solomon e de fol rok SOMOL me cheal rok nga orel. Maaram me damumuw SOMOL ngak Solomon

Exodus 20:3

“Dariy yugu reb e kan ni nge mang got romed, ya kemus ni gag.

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.