1 Kings 11:11 - Bible Ni Thothup

¹¹ me ga’ar ngak, “Bochan e ri tafinay rom ni ngam th’ab fare m’ag u thildow ni dab mu fol ma dab mu rin’ e tin kugog, ma aram e gu be micheg ni bay gu chuweg e gagiyeg ko pilung u pa’am nggu pi’ ngak reb e pi tolang ko salthaw rom.

1 Kings 11:11 Referans Kwoze

1 Kings 11:31

Me ga’ar ngak Jeroboam, “Mfek ragag yang, ya SOMOL ni Got rok yu Israel e be ga’ar ngom, ‘Nggu chuweg e gagiyeg u pa’ Solomon, ma bay gu pi’ ngom ragag e ganong.

2 Kings 17:21

Nga tomuren nike ki’eg SOMOL yu Israel rok yu Judah, me tay yu Israel i Jeroboam nib mo’on ni fak Nebat nge mang pilung rorad. Me Jeroboam e k’aringrad ngar paged SOMOL me waliyrad nga fithik’ e denen ni ubchiya’.

1 Kings 12:20

Ma fa’ani rung’ag e girdi’ nu Israel nike sul Jeroboam u Egypt, miyad pining ni nge yib nga ba mu’ulung ni nge tay yu Israel, miyad turguy ni nge mang pilung u Israel. Kemus ni go’ ganong rok Judah e par nib yul’yul’ ngak e pi’in owchen David.

Numbers 14:35

Kug micheg ni bay gu rin’ e pin’ey ngomed e girdi’ ni kireb ni kam barba’gad kam togopluwgad ngog. Gimed gubin ni bay mm’ad u roy u daken e ted. I Gag SOMOL e kugog e pi thin ney.’”

Numbers 14:23

Ri dab ranod ngalan fare nam ni gu micheg ngak pi chitamangirad ni bay gu pi’ ngorad. Dariy bagayad e pi’in ni kar darifan nigedgag nra yan ngalan.

1 Kings 11:12

Machane bochan e chitamam David ma aram e dab gu rin’ e ren’ey nnap’an ni kagab fos, machane gu ra rin’ ko ngiyal’ ni be gagiyeg e re pumo’on ni fakam.

1 Kings 11:26

Reb e girdi’ ni cheal nge togopluw ngak Solomon ni Pilung e reb e tolang ni bay u tan pa’, ni aram Jeroboam nib mo’on ni fak Nebat nu Zeredah u lan yu Efraim. Zeruyah ni chitiningin e ke yim’ e pumo’on rok.

1 Kings 11:29

Reb e rran ni chuw Jeroboam u Jerusalem me yan ko milekag, miyow mada’ Ahijah ni profet ni be’ u Shiloh u kanawo’ u daken e ted ni go’ yow. Ma ke chuw Ahijah nga ba mad nib n’uw ma bbe’ech;

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Psalms 78:10

Dar ayweged fare m’ag u thilrad nge Got; mra siyegned ni ngar folgad ko motochiyel rok.