1 Kings 10:8 - Bible Ni Thothup

⁸ Rib fel’ wa’athan e pi le’engim, ma rib fel’ wa’athan e pi tapigpig rom ni gubin ngiyal’ ni yad be par rom ngu’ur rung’aged e thin rom nib gonop!

1 Kings 10:8 Referans Kwoze

Proverbs 8:34

En nra rung’ag e tin gu be yog e ra felfelan’, ni en nra par u langan e mab rog ni gubin e rran, ni be son u langan e mab ko naun rog.

Luke 11:31

Chirofen nra pufthinnag Got e girdi’ e ra sak’iy fare pin nib pilung ni fa’ani yib ko yimuch nge yog nib kireb e girdi’ ko bin daba’ e rran, ni bochan e liyeg baraba’ e fayleng ni be lek Solomon ni nge motoyil ko machib rok ni bay e gonop riy; nggog ngomed ni bay ban’en u roy ni ka ba ga’ ngak Solomon.

Luke 11:28

Machane me fulweg Jesus ni ga’ar, “Ri kab felan’ e pi’in kar rung’aged e thin rok Got ma kar pired ni yad be fol riy!”

Proverbs 13:20

Mu pachegem ngak e pi’in yad ba gonop me yag e gonop ngom. Fa’an ga ra m’agem ngak e girdi’ ni pinat, ma gur e ga ra gafgow.

Proverbs 10:21

Thin u l’ugun e en nib mat’aw e ra yib fal’ngin ngak e girdi’ nib yo’or, machane gur e rayag ni mu li’em nga mum’ ko aliliy rom.

1 Kings 10:7

Machane de riyul’ u wun’ug, ma fin chiney ni ku gub e ke riyul’ u wun’ug. Machane tin gu rung’ag e de gaman e baley riy; gonop rom nge rogon feni fel’ rogom e ka ba ga’ ko tin nnog ngog.

Proverbs 22:29

Mu dag be’ ngog nma rin’ e maruwel ni bfel’, mu gu dag be ngom ni kabfel’ boch ko tin yo’or e girdi’, ma rabung ni nge un ko sabal ko pilung.

Jeremiah 40:10

I gag e bay gu par u Mizpah nggu mang mit e thin romed u nap’an nra yib yu Babylon ngaray. Ma gimed e ngam ta’reb gad nga mu kunyed e wayin nge wom’ngin e gek’iy nge gepgep ni olive, nga mu cha’riyed nga langgin fare binaw ni ka mu pired ngay.”

1 Kings 12:6

Me fith Rehoboam lanyan’ bogi pumo’on ni kar pi’lalgad ni yad e ur puruy’gad Solomon ni chitamngin, ni ga’ar ngorad, “Mang e re bugithin ni nggu pi’ ni fulweg ko fare bugithin nike wenignag e girdi’ ngog?”