1 Kings 10:12 - Bible Ni Thothup

¹² Solomon e i fanay e pi ren nem ko duga’ u lan e Tempel nge naun rok ni tafen e pilung, ma ki fanay ko tatelin e musik ni harp nge lyre ni fan ngak girdi’en e musik, ni aram e tin th’abi fel’ e ren ni Juniper ni ka ni fek nga Israel, ma da ku ni guy boch ni aram rogon bayay.)

1 Kings 10:12 Referans Kwoze

1 Kronicles 23:5

ma aningeg bbiyu’ e ba milfan e matnag ngorad, ma aningeg bbiyu’ e ngu’ur pininged e sorok ngak SOMOL ni yad be chubeg e pi talin e musik ni thagnag fare pilung ni fan ko biney e gam’ing.

2 Samuel 6:5

Mi David nge urngin piyu Israel e yad be churu’ ma yad be tang ni kemus rogorad ni aram e yad be tay fan SOMOL, ni yad be chubeg tatalin e musik ni harp, nge lyre, nge drum, nge kastanet, nge cymbal.

1 Kings 10:11

Ma ku er rogon fapi barkow rok Hiram ni be fek e gol u Ofir, ma ku be fek u rom e ren ni Juniper ni pire’ nge nochi malang nib t’uf ma ba tolang puluwon.

1 Kings 10:13

Solomon ni Pilung e pi’ ngak fare queen nu Sheba urngin e pin’en ni ning ngak, nge cheag nga yugu boch e tow’ath ni yima pi’ ngak e pilung. Miyad sul e tapigpig rok ko nam nu Sheba.

2 Kronicles 9:11

Me fanay Solomon fapi ren nge ngongliy e tawo’ ni fan ko fare Tempel nge fare naun rok ni tafen e pilung, miki ngongliy talin e musik riy ni harp nge lyre ni fen e girdi’en e musik. Dawor ni guy ban’en ni aram rogon bingiyal’ u lan fare nam nu Judah.)