1 Kings 10:11 - Bible Ni Thothup

¹¹ Ma ku er rogon fapi barkow rok Hiram ni be fek e gol u Ofir, ma ku be fek u rom e ren ni Juniper ni pire’ nge nochi malang nib t’uf ma ba tolang puluwon.

1 Kings 10:11 Referans Kwoze

Psalms 45:9

Pi’in rugod ni fak e pilung e yad bay u fithik’ e ppin ni yad ma par u lan e yoror rom, ma nga ba’ ni mat’aw ko chiya’ rom e ba sak’iy fare bpin ni le’engim riy, nib nunuw ko tin th’abi fel’ e gol.

2 Kronicles 8:18

Me pi’ Hiram ni Pilung e pi barkow ni nge yan ngak Solomon, nike tay e pi kapten rok ngay ni ngar gafaliyed, nge pi sala nike n’uw naprad ko sala. Miyad tareg ni yad e pi tolang rok Solomon ngranod ko fare nam nu Ofir ngar feked i yib ngak Solomon e gol nib bachugur ni nge gaman e ragag nge nel’ e ton.

2 Kronicles 2:8

Gu manang rogon feni rib salap e pi pumo’on ni yad ma th’ab e ren rom, ere mu pi’ e ren ni cedar nge cypres, nge juniper ngog u Lebanon. Kug fal’eg rogog ni nggu l’oeg e pi pumo’on rog u roy ngarbad ra ayuweged e tirom e girdi’

1 Kings 10:12

Solomon e i fanay e pi ren nem ko duga’ u lan e Tempel nge naun rok ni tafen e pilung, ma ki fanay ko tatelin e musik ni harp nge lyre ni fan ngak girdi’en e musik, ni aram e tin th’abi fel’ e ren ni Juniper ni ka ni fek nga Israel, ma da ku ni guy boch ni aram rogon bayay.)

BABYOR NI JOB 22:24

Mu n’ag e pi gol rom; mu n’ag e gol rom nth’abi fel’ nga t’ay e lul’ nike mlik.

1 Kronicles 1:23

Ofir, Havilah, ngu Jobab.

2 Kronicles 2:7

Ere chiney e ngam pi’ be’ nib mo’on ngog nib salap i ker ya’an ban’en, ma ba salap ko maruwel ko gol, nge silber, nge bronze, nge wasey, ma ba salap i ngongliy e mad ni ra’en mak’ef, nge purple, nge row. Cha’ ney e bay ra maruwelgad e pumo’on nu Judah ngu Jerusalem ni yad ba salap ko maruwel nike mel’egrad David ni chitamag.