1 Kings 1:44 - Bible Ni Thothup

⁴⁴ Ke l’oeg Zadok nge Nathan nge Benayah, nge fapi salthaw ni yad ma matanagiy kar uned ngak Solomon. Ra ted nga daken fare gamanman ni mule rok David ni Pilung,

1 Kings 1:44 Referans Kwoze

1 Samuel 30:14

Kug maelgad ko fa gin ni tafen e pi Kerethite u ley ni yimuch yu Judah nge fa gin tafen fare ke girdi’ rok Kaleb, ma kug urfiyed nga but’ fare binaw nu Ziklag.”

2 Samuel 8:18

me Benayah nib mo’on ni fak Jehoyada e ir e ga’ ko pi’in yad e matnag rok David; ma pi’in pumo’n ni fak David e yad e prist.

1 Kings 1:43

Me ga’ar Jonathan, “Danga’, gathi thin ni bfel’; David ni Pilung e ke pilungnag Solomon.

1 Kings 1:45

ma ke gapgepnag Zadok nge Nathan lolugen ko fare alublub nu Gihon ni aram e ke mang pilung. Ma aram miyad sul ngalan binaw ni yad be tolulnag e felfelan’, ma chiney e ke un e girdi’ ko binaw ngay. Lamrad e ka fin mu rung’aged faram.

Genesis 36:24

I Zibeon e immoy l’agruw i pagel ni fak, ni Aiah nge Anah. (Anah e facha’ ni pir’eg bogi alublub nib gawel e ran riy u lan e ted u nap’an ni be chathowliy e dongki rok e chitamngin.)

2 Samuel 20:7

Ma aram me yan e tirok Joab e salthaw, ni fapi tamatnag rok e en pilung, nge gubin e tin kabay e salthaw e ra chuwgad u Jerusalem ngar uned ngak Abishai ni ngar leked Sheba.

1 Kings 1:33

me ga’ar ngorad, “Pi tolang ni yad be par u lan e yoror rog e ngam pininged yad ngar uned ngomed; me af Solomon ni fakag nga daken fare gamanman rog ni mule, mi gimed yan nga p’ening ko fare alublub nu Gihon,

1 Kronicles 6:8

Zadok, Ahimaaz,

1 Kronicles 17:1

Ere chiney e be par David u naun rok ni tafen e pilung. Me yan i reb e rran me l’oeg e pong nge yan ngak Nathan ni profet me ga’ar ngak, “Gu be par u lan ba naun nni toy ko ren e gak’iy ni cedar, machane fare Kahol ko M’ag rok SOMOL e kan tay u lan ba tent!”

1 Kronicles 18:17

Benayah nib mo’on ni fak Jehoyada e ba milfan e pi matnag rok David ngak; ma pi pumo’on ni fak David e yad e th’abi tolang ko pigpig ni yima tay ngak David ni Pilung.