1 Kings 1:21 - Bible Ni Thothup

²¹ Fa’anra dab mu rin’ ban’en ngay, ma yug nap’an e ga ra yim’ mi Solomon ni fakag nge gag e yira taymow ni gowa kug th’abew e motochiyel.”

1 Kings 1:21 Referans Kwoze

1 Kings 2:10

Me yim’ David min k’eyag u lan fare Binaw rok David.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

1 Kings 2:15

Me fulweg Adonijah ni ga’ar, “Ga manang ni susun e gag e nggu mang pilung ma gubin piyu Israel ni ku aray rogon ni ur leam niged. Machane gathi aray rogon nike yan i aw, ya en ni walageg ni pumo’on e yib i mang pilung ni bochan e aram rogon ni ba’adag SOMOL.

2 Samuel 7:12

Nap’an ni ga ra yim’ mi ni yan ni k’eygem ngak pi chitamam, mu gu turguy reb i owchem nge mang pilung, ma bay gu tay e nam rok nib gel.

Genesis 15:15

Machane gur e bay mpar nib n’uw nap’am, nga mum’ u fithik’ e gapas; min k’eyaggem.

1 Kings 1:20

Pilung rog, chiney e ke par urngin e girdi’ nu Israel yad be guyem ni ngamog ngorad e en ni nge yan nga luwam nge mang pilung.

1 Kings 1:22

Ka be welthin ngak fare pilung, me yib Nathan ni profet nga naun.

Judges 9:5

Me yan nga tabinaw rok e chitamngin u Ofra, me li’ fa medlip i ragag i pumo’on ni walagen ni pifak Gideon u daken ta’ab malang. Machane Jotham, ni bin th’abi bitir ko fapi pumo’on ni fak Gideon, e mith ma de yag nthang e fan rok.

1 Kings 1:12

Fa’anra ga ba’adag ni ngam ayuweg e pogofan rom nge pogofan rok Solomon ni fakam, ma ba’aray e fonow rog ngom:

2 Kronicles 22:10

Yug nap’an ni rung’ag i Athaliah ni chitiningin Ahaziah ni Pilung murung’agen fak ni ka ni thang e fan rok, me pi’ e thin ni ngan thang owchen urngin chon fare tabnaw ko pilung nu Judah.