1 John 4:7 - Bible Ni Thothup

⁷ Pi tafager rog ni gimed ba t’uf rog, nge bagadad me t’uf rok bagadad, ya rogon ni nge t’uf Got rodad nge girdi’ e yib rok Got ngodad. En nib t’uf Got rok nge girdi’ e ir be’ ni fak Got, ma manang Got.

1 John 4:7 Referans Kwoze

1 John 4:20

Fa’anra ga’ar be’, “Ba t’uf Got rog”, machane be fanenikay walagen ni girdi’en Kristus, ma be lifith l’ugun. Ya dabiyag ni nge t’uf Got rok, ni be’ nder guy ni fa’anra de t’uf rok walagen ni girdi’en Kristus ni be’ ni be guy.

1 John 4:8

En nde t’uf Got rok nge girdi’ e be’ nde nang Got ni bochan e Got e ba t’uf e girdi’ rok.

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

1 John 2:10

En nib t’uf rok walagen ni girdi’en Kristus e be par u fithik’ e re tamilang nem, ma aram fan ndariy ban’en u fithik’ i laniyan’ nra pingeg be’ nge denen.

Galatia 5:22

Machane fare Kan Nthothup e ma sunumeg u lanin’dad e t’ufeg, nge felfelan’, nge gapas laniyan’, nge gumaen’, nge gol, nge fel’ ngak e girdi’, nge yul’yul’,

2 Timothy 1:7

Ya Kan Nthothup nike pi’ Got ngodad e dar ma ngongliydad ni ngad rusgad; machane Kan Nthothup rok e ma pi’ gelngidad, mma fal’egdad nge t’uf Got rodad nge girdi’, mma pi’ gelngidad nge yag nda t’ared lanin’dad.

1 John 4:12

Dariy be’ ni ka’a guy Got; ma fa’anra bagadad ma ba t’uf rok bagadad, ma aram e be par Got u fithik’dad, ma rogon ni gadad ba t’uf rok nike af ngodad e ke ilal u fithik’dad ke yan i aw ngarogon ni kari fel’.

1 John 2:29

Gimed manang ni Kristus e bmat’aw; ere susun e ngam nanged ni gubin e girdi’ nma rin’ e tin nib mat’aw e yad pifak Got.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Deuteronomy 30:6

SOMOL ni Got romed e bay i gagiyegnag lanin’med nge laniyan’ e pi’in ni owchemed ngu’um folgad, ya ngu’um pired ni kari t’uf SOMOL romed u polo’ i gum’ircha’med ngu polo’ i lanin’med nge n’uw nap’med ni mu pired.

Galatia 4:9

Machane chiney e kam nanged Got — fa reb e nggog nike nangmed Got e chiney — ere uw rogon ma kam adaged ni ngam sulod ngak fapi kan ni yad be gagiyeg ni yad mme’waer ma dariy farad? Mangfan ni gimed ba’adag ni ngkum sulod ngam manged sib rorad bayay?

John 13:34

Nggu pi’ reb e motochiyel nib be’ech ngomed, nge bigimed me t’uf bigimed rok. Rogon ni um pired ni gimed ba t’uf rog, e aram rogon nthingar um pired nra bigimed ma ba t’uf rok bigimed.

1 Korinth 8:3

Machane en nib t’uf Got rok e manang Got fa’anem.

1 John 2:3

Fa’an gadad ra fol ko tin ke yog Got ngodad ni ngad rin’ed, ma aram e ke muduwgil u wun’dad ni kadnanged ir.

1 John 2:4

Fa’anra yog be’ ni ga’ar, “Gu manang Got,” machane der fol ko thin rok, ma facha’ e be’ nma lifith l’ugun ma dariy e tin nib riyul’ u fithik’ i laniyan’.

1 John 2:7

Gimed e pi tafager rog ni gimed ba t’uf rog, re motochiyel ney ni kug yoloy murung’agen ngomed e gathi bbe’ech; ya ka fare motochiyel ni kakrom ni ka fa binem ni immoy romed ko tabolngin. Fa bin kakrom e motochiyel e aram fare thin nni pi’ nge yib ni yigo’ kam rung’aged.

1 John 3:9

En kemang fak Got e dakir denen i yan, ya ke yib rarogon Got ngak; ma bochan i Got e kemang Chitamngin, ma aram fan ndabkiyag ni nge denen i yan.

1 John 4:11

Pi tafager rog ni gimed ba t’uf rog, fa’anra ireray rogon ni gadad ba t’uf rok Got, me ere susun e nge bagadad me t’uf rok bagadad.

1 John 4:16

Gadad manang ma bmich u wun’dad ni gadad ba t’uf rok Got. I Got e t’ufeg, ma en nra i par nib t’uf Got rok nge girdi’ e be par u fithik’ Got ma be par Got u fithik’ fa’anem.

1 John 5:1

En nra mich u wan’ ni Jesus e ir fare Messiah e kemang be’ ni fak Got; en nib t’uf be’ nib matam rok e ku ba t’uf rok e en ni fak fare matam.

2 John 1:5

Ere gu be wenig ngom, i gur e re pin nir ni gab t’uf rog: ni gadad gubin ni nge bagadad me t’ufeg bagadad. Re bugithin ney ni kug yoloy kug pi’ ngom e gathi bbugithin nib be’ech nike yog Got ni ngan rin’; ireray e re bugithin ni kan pi’ ngodad ko tabolngin.