1 John 4:6 - Bible Ni Thothup

⁶ Machane gadad e bmil fadad ngak Got. En ni manang Got e ma motoyil ngodad; ma en nde mil suwon ngak Got e der ma motoyil ngodad. Ireray kanawo’en me yag nda nanged e n’en nib thil ko Kan ko tin riyul’ nge kan ko tin nib oloboch.

1 John 4:6 Referans Kwoze

John 14:17

Ir fare Kan ni Thothup, ni ir e bayi tamilangnag e tin rriyul’ u murung’agen Got. Ma girdi’ nu fayleng e dabiyag ni nge yag ngorad, ya dabiyag ni ngar guyed ara ra nanged ir. Machane gimed e gimed manang ir, ni bochan e bayi par romed ngi i par u fithik’med.

John 10:27

Saf rog e yad ma rung’ag lungug, ma gum nangrad, ma yad ma lekeg.

John 15:26

“Fare Taayuw e bay yib, ni aram fare Kan ni Thothup nma dag e tin riyul’, ni bay yib rok e en ni Chitamangiy. Bay gu pi’ rok e Chitamag nge yib ngomed, me ir e bayi weliy murung’ageg.

1 John 4:1

Pi tafager rog nri gimed ba t’uf rog, dabi pagan’med ngak urngin e pi’in yad be yog ni bay fare Kan Nthothup rorad, ya ngam sikeng niged yad ngam nanged ko re kan ni bay rorad e yib rok Got fa dangay. Ya bo’or e profet ni yugu ban’en ni kar weargad nga urngin yang.

1 John 4:4

Machane gimed, pifakag, e bmil famed ngak Got, ma kam gelgad ko fapi profet ni go’ bogi ban’en; ya fare Kan Nthothup ni bay u fithik’med e kab gel ngak fare kan ni bay u fithik’ e pi’in nib mil farad ngaray nga fayleng.

John 18:37

Ma aram me fith Pilate ngak ni ga’ar, “Ere gur be’ ni gab pilung?” Me fulweg Jesus ni ga’ar, “Kamog ni gag be’ ni gub pilung. Ni gargel nigeg ngaray nga fayleng ni bochan e nggu weliy murung’agen e tin riyul’. En ni girdi’en e tin riyul’ e ra rung’ag e thin ni gu be yog.”

1 Korinth 14:37

Fa’anra be finey be’ ni ir e mol’og rok Got ara bay gelngin nib salap u ban’en ni aram e ba tow’ath ngak ni pi’ fare Kan Nthothup, ma thangri nang ni n’en ni gu be yoloy nga babyor ni nge yib ngomed e Somol e keyog ni ngan rin’.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

John 16:13

Ngiyal’ nra yib fare Kan Nthothup nma dag e tin riyul’ e bayi pow’iymed ngam nanged urngin e tin riyul’. Gathi tin be leamnag e ra weliy ngomed, ya tin ke rung’ag e ra weliy ngomed, mra weliy ngomed e pin’en ni bay yib.

Mikah 3:8

Machane gag e ke sug nageg SOMOL ko kan nthothup rok nge gelngin, ya nge yag ni gu turguy e tin nib mat’aw, ma nge dab ku gu rus nggu weliy ngak e girdi’ nu Israel e denen ni yad be ngongliy.

1 John 4:8

En nde t’uf Got rok nge girdi’ e be’ nde nang Got ni bochan e Got e ba t’uf e girdi’ rok.

1 Timothy 4:1

Keyog fare Kan Nthothup nib tamilang ni boch e girdi’ e bay ra n’iged e michan’ rorad ngak Kristus ko tin tomuren e rran; miyad fol ko pi kan ni yad ma lifith l’ugunrad, ni aram e kar folgad ko machib rok e pi mo’onyan’.

John 13:20

Gu be yog e tin nib riyul’ ngomed: ra yan be’ ni mol’og rog ngak be’ me felfelan’ fa’anem ngak nike yib, ma ku aram e n’en ke rin’ ngog; ma en nra rin’ ngog ni aray rogon e ke rin’ ngak e en ni ir e ke l’oegeg ku gub.”

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Hosea 4:12

Yad be de’eriy yungi ren ni nge dag ngorad e tin ni ngar rin’ed! Boch ley i gek’iy e be yog ngorad e tin ni yad ba’adag ni ngar nanged! Kar pi’ed keru’rad ngog; kar pi’ed yad ngak yugu boch e got ni bod be’ ni bpin ni yan ngi i pi’ ir ni chuway’.

Isaiah 29:10

I SOMOL e ke k’ar chuchuw ngom, ni be n’en ni ngam mol ni dabki od oram. Fapi profet e ngar manged owchen e girdi’, machane Got e ke ning owchrad.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Jude 1:17

Pi tafager rog, ri dab mpaged talin e tin ni yog e pi apostel rok Somol rodad i Jesus Kristus kakrom.

2 Peter 3:2

Gu ba’adag ni ngam leam niged fapi thin ni i yog fapi profet ni kakrom ni yad ba thothup, nge motochiyel ni yib rok Somol ni ir e ma thapegdad ngak Got ni fapi apostel romed e karogned ngomed.

2 Korinth 10:7

Gimed be changar ko pin’ey u wuru’. Bay be’ u wur nike matha’eg ngak ni ir reb i girdi’en Kristus? Bfel’ ni ngki leamnag ir bayay, ya ku errogon gamad ni gamad girdi’en Kristus ni bod ir.

Roma 11:8

Ni bod ni be yog e babyor nib thothup ni be ga’ar, “Ke bo’golnag Got gum’ircha’rad nge lanin’rad; ke mada’ ko bin daba’ e rran ma dabiyag ni ngar guyed ban’en ngalan owcherad fa rrung’aged ban’en ngalan telrad.”

Roma 1:1

Re babyor ney e yib rok Paul, ni tapigpig rok Kristus Jesus, ni ir ba apostel ni Got e mel’eg me pining ni nge machibnag ngak e girdi’ e Thin Ni Bfel’ ni yib rok Got.

John 20:21

Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

John 10:16

Bay yugu boch e saf ni saf rog, machane dar moyed u fithik’ e tiney e saf. Ere thingar kug fekrad i yib; ya bay ra matealgad nga lungug, miyad peth ko tiney ngar pired nta’ab ran’ i saf ma ta’abe’ e be gafaliyrad.

Mikah 2:11

“Pi girdi’ ney e yad ba’adag e mit i profet ni nra i yan ma be lifith l’ugun ma be ban ni be ga’ar, ‘Gu be yi’iy nag ni bay yib e wayin nge rrum ngomed ni bod e lul’.’

John 8:23

Me fulweg Jesus ni ga’ar, “Gimed e mbad u roy u but’, machane gag e gub u lang. Gimed e mbad u roy u fayleng.

John 10:3

En nma matnagiy langan e garog e bing e garog ngak fa’anem, ma fapi saf e rrung’aged laman ni be pining fithingan e saf rok ntata’reb, me fekrad nga wuru’ e yoror.

1 John 5:19

Gadad manang nib mil fadad ngak Got, ma tin ni kabay e girdi’ nu fayleng e ke suweyrad Fa’anem nib Kireb.

2 Kronicles 18:21

Me fulweg fare kan ni ga’ar, ‘Bay gu wan nggu gagiyegnag gubin fapi profet rok Ahab ngar bangad.’ Me ga’ar SOMOL, ‘Mman ngam bannag. Ya rayag rom.’”